"Nina" Andrea Jaurrietaren filmak itxiko du Giza Eskubideen Zinemaldia
Giza Eskubideen Donostiako Zinemaldiak 21. edizioa abiatuko du apirilaren 12an, Victoria Eugenia antzokian, eta osasun mentala, Palestinako egoera, migrazioak, lanaren etorkizuna, Ukrainako gerra, sexu eskubideak eta giza eskubideen hamaika urrapen proiektatuko dira pantailetan zortzi egunez.
El salto Benito Zambranoren filmak irekiko du zinema jaialdia, eta inaugurazio saioan bertan Fernando León de Aranoa zinemagileak (Familia, Barrio, Los lunes al sol, El buen patrón…) jasoko du aurtengo sari berezia, bere ibilbide osoari egindako aitortza gisa.
45 film, 26 luze eta 19 labur, programatu dituzte guztira, eta Nina Andrea Jaurrietak zuzendutako filmak (EITBren parte-hartzea du) itxiko du zinemaldia, apirilaren 19an Victoria Eugenian, itxiera galan. Euskal zinemari dagokionez, Indarkeriaren oi(h)artzunak (Amaia Merino, Ander Iriarte) eta Muerte en Amara (Aitor González de Langarica, lehiaketatik kanpo) film luzeak (EITBren parte-hartzea dute horiek ere) Sail Ofizialean izango dira, baita Anteparaiso (Koldo Almandoz), Europe (Ekain Irigoien), La mujer ilustrada (Isabel Herguera) eta Puzzleak (Bortxaketaren jauregia) (Kote Camacho) film laburrak ere, beraiei dagokien lehiaketan ere.
Halaber, Luces en sombra Ione Atenearen filmaren emanaldi berezia izango da, Antzoki Zaharrean.
Guztira, hiru sari emango ditu zinema jaialdiak, ohikoa duenez: film luze onenaren ikusleen saria, film labur onenaren gazte epaimahaiaren saria eta Amnesty International saria.
45 pelikula horien emanaldiak ez ezik, umeentzako proiekzioak, erakusketak, solasaldiak, mahai inguruak eta palestinar film laburren saioak ere izango dira Giza Eskubideen Donostiako Zinemaldian.
Sarrerak (5 €) eta doako saioetarako gonbidapenak ostiralean, apirilak 5, jarriko dituzte eskuragarri, 11:30etik aurrera, Antzoki Zaharreko eta Victoria Eugenia antzokiko leihatiletan eta Internet bidez.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.