Alain Delon aktore frantziarra hil da 88 urte zituela
Alain Delon, Frantziako zineak eman duen aktore garrantzitsuenetako bat, hil da, 88 urte zituela, Alain Fabien, Anouchka eta Anthony seme-alabek ohar baten bidez jakinarazi dutenez.
AFP agentziari bidalitako mezuan, hiru seme-alabek azaldu dute "lasai" hil dela aita Douchyn, Frantzia erdigunean, Alain Delonek zuen etxean.
"Oso une gogor honetan" familiaren "intimitatea errespetatzeko" eskatu dute haren seme-alabek.
Delonek 122 pelikula utzi ditu; 2 zuzendu ditu, 32 ekoitzi, eta 88tan aktore gisa aritu da. Jean-Pierre Melville ('Le cercle rouge', 'Le Samourai'), Luchino Visconti ('Rocco e i suoi fratelli', 'Il Gattopardo') eta Louis Malle zuzendari entzutetsuak izan zituen lagun horietako askotan, eta galai estoiko eta zaurgarriarena egin du gehienetan.
Sariei dagokienez, 1957an lehenengo aldiz pantaila handian agertu zenetik, Delonek aktore onenaren Cesar saria jaso zuen Bertrand Blierren 'Notre histoire' filmean egindako lanagatik, eta Ohorezko Hartza 1995eko Berlinalen. Gainera, 2019an Cannesen Ohorezko Urrezko Palma eman zioten.
Bestalde, gogoangarria da Jean-Paul Belmondorekin izandako harremana, 8 pelikulatan islatutakoa. Han zuzen ere, harekin egindako azkenak (Patrice Leconteren '1 chance sur 2') izandako arrakasta eskasak markatu zuen Delonen ibilibidearen gainbehera.
Ezin aipatu gabe utzi homosexualen eta emakumeen aurka egindako adierazpenak eta ekintzak. Izan ere, 2019an Urrezko Palma jaso aurretik esandakoek polemika handia piztu zuten, homosexualek haurrak izatea "naturaren aurka" egitea zela eta hainbat emakumeri zaplaztekoak eman zizkiela esan baitzuen.
Zure interesekoa izan daiteke
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.
Mende laurden, Bidasoan zinema eta historia lotzen
FICAB Bidasoko Nazioarteko Zinemaldi Arkeologikoak 25. edizioa abiatuko du azaroaren 10ean. “Iraganetik ikasten jarraitzea” du helburu topaguneak, “oraina ulertzeko eta etorkizuna eraikitzeko”.
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.