Albiste dira

'Joker: Folie à Deux' izango da Donostia Zinemaldiaren 72. edizioko film sorpresa

Todd Phillipsek filmatutako pelikularen lehen zatiak 2019an izan zuen toki bera izango du Batmanen etsaiaren inguruko bigarren filmak. Larunbatean ikusiko da, Victoria Eugenian.

Joaquin Phoenix eta Lady Gaga, "Joker: Folie à Deux" filmean

N. V. | EITB Media

2024/09/27 - 11:16

Azken eguneratzea

2024/09/27 - 11:16

Donostiako Zinemaldiaren 72. edizioko film sorpresa Joker: Folie à Deux izango da, Todd Phillipsek Joker Batmanen betiereko etsaiaren inguruan egin duen bigarren filma. Veneziako Mostrako sail ofizialean programatu ondoren, Joaquin Phoenix eta Lady Gaga protagonista dituen filma bihar, larunbatarekin, izango da ikusgai Victoria Eugenian, bi emanalditan: 08:30ean eta 16:00etan.

2019an, Joker izan zen film sorpresa, eta beste hauek izan dira ikusgai gero: Sportin' Life (Abel Ferrara, 2020), Spencer (Pablo Larraín, 2021), Blonde (Andrew Dominik, 2022) eta The Killer (David Fincher, 2023).