'Karmele' Asier Altunaren filma urriaren 10ean estreinatuko dute zinema aretoetan
"Karmele" Asier Altuna zinemagile bergararraren film luzea urriaren 10ean estreinatuko dute zinema aretoetan. Jone Laspiur eta Eneko Sagardoy aktoreak dira "drama historiko eta hunkigarri" honen protagonistak, eta musikak presentzia handia dauka lanean.
Filmaren arduradunek jakinarazi dutenez, filmaren bi protagonista nagusiekin batera, Nagore Aranburu eta Javier Barandiaran aktoreak ere agertzen dira lanean, besteak beste.
Asier Altunak idatzi eta zuzendu du filma, 'Elkarrekin esnatzeko ordua' Kirmen Uribe idazlearen eleberrian oinarrituta; Karmele Urresti eta Txomin Letamendiren benetako bizitzak kontatzen ditu, hortaz, liburuak egin zuen bezala.
Zuzendariaren hitzetan, "Karmele kulturak, musikak eta arteak zipriztindutako bidaia bat da. Beti erakarri izan naute hainbat belaunaldi biltzen dituzten historia familiarrak".
Filmak bikote baten eta haren familiaren "odisea zirraragarri eta iradokitzailea" erakusten du, kontinente batetik bestera jauzian, XX. mendearen lehen erdian. Iragan hurbileko "istorio epiko bat" da, baina, aldi berean, "gaurkotasuna duten gai unibertsal eta atenporalak" ukitzen ditu, hala nola maitasuna, familia, kultura eta askatasuna.
Musika filmaren hari garrantzitsua da, eta euskal musika, jazza, boleroak eta guarachak entzungo dira. Aitor Etxebarria da musikaren konpositorea.
Egokitzapena
Horrela kontatu genuen filmatzen hasi zirenekoa
Zure interesekoa izan daiteke
Jack Taylorren azken whatsappa
Elegante zen oso Taylor jauna. Itxuraz eta arimaz. Bizitzan zuen jokabidean ere bai.
"Las hijas" saritu dute Cannesen
Yune Nogueiras protagonista duen eta antzeztaldean Jone Laspiur, Edurne Azkarate, Ainara Elejalde, Ainhoa Larrañaga eta Nerea Sanz euskal aktoreak dituen euskal film luzeak saria eskuratu du Frantziako jaialdiko Marché du Film merkatuan.
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...