ELAk eta LABek bukatutzat eman dute beren lankidetza
Ezker abertzalea Bilduren bitartez Gipuzkoako erakundeetara heldu ostean, ELA eta LAB sindikatu nazionalista nagusi bien arteko harremana okertu egin da; EAEn "gehiengo sindikalik ez" dagoela baieztatu dute biek, egoerak txarrera egin duen erakusgarri.
Adolfo "Txiki" Muñoz ELAko idazkari nagusiak atzo Gara egunkariko elkarrizketa batean adierazi zuenez, "Bildu erakundeetara heldu zenetik, ezker abertzaleak amortizatutzat eman du gehiengo sindikala".
Ainhoa Etxaide LABeko idazkari nagusiak adierazpen horiei erantzun die gaur Info Zazpi Irratian. Etxaideren hitzetan, "kezkagarria" da ELAk LABekin zuen lankidetza hedabideetan egindako elkarrizketa baten bitartez bukatutzat ematea. Hala ere, Etxaidek aitortu duenez, "egun ez dago gehiengo sindikalik".
Muñozek atzo esan zuenez, Bildu Gipuzkoako Foru Aldundira heldu ostean, "ezinezkoa da" ELAk eta LABek azken urteetan izan duten gehiengo sindikalak "politikariei zuzentzen" jarraitzea.
Muñozek "akordio politiko eta sindikal nazionala" adosteko aukera baztertu zuen; izan ere, ELAko idazkari nagusiaren iritziz, Gobernuan daudenek sindikatuek "beren politikak babestea" nahi dute.
"Erabaki politikoak hartzen dituzten guztiei zuzentzen gatzaizkio. Ezin da mendekotasun politikorik izan", gaineratu zuen.
Adierazpen horien harira Ainhoa Etxaidek gaur esan duenez, "argi dago ELA sindikatuarekin dituzten harremanak ez daudela bere unerik onenean”. Ildo horretan, krisiaren bigarren fasean "EAEko gehiengo sindikalak agendarik ez izatea" deitoratu du. Halaber, "langileei erantzuna emateko bidea" izaten ari ez direla ere gaitzetsi du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.