Aralarrek alderditik bota ditu Ezenarro, Basabe eta Erostarbe
Aralar alderdiko zuzendaritzak baja eman die Aintzane Ezenarro, Mikel Basabe eta Oxel Erostarbe parlamentariei, Donostian bildutako batzordeak ohar batean jakinarazi duenez.
Erabaki horren ondorioz, Aralarrek Legebiltzarrean dituen lau parlamentarietatik hiru alderditik kanpo geratu dira.
Gatazkaren abiapuntua Aintzane Ezenarrok bultzatutako Eusko Legebiltzarreko bakegintza eta elkarbizitzarako lantaldearen sorrera izan zen. Aralarreko zuzendaritzak lantalde hori baztertu zuen, ezker abertzalea bertan ez zegoelako. Hala ere, Aintzane Ezenarrok, Oxel Erostarbek eta Mikel Basabek lantaldearen eraketa babestu zuten.
Alderdiaren zuzendaritzak espedientea ireki zien, eta egoera Berme Batzordearen esku jarri zuen. Astelehen honetan eman du batzorde horrek bere erabakiaren berri, eta hiru parlamentarien jarrera ''oso larria'' izan dela ebatzi du, ''biltzarretan hartutako erabakiak bete ez dituztelako''.
Aralarreko zuzendaritzako kideek uste dute Berme Batzordearen ebazpenak aurretik zuzendaritzak hartutako erabakiak berretsi dituela. Ohar horretan azaldu dutenez, hiru parlamentariek ''nahita eta beren borondatez kokatu dute euren burua alderditik kanpo'', eta Ezenarrok, Basabek eta Erostarbek azken aldian jendaurrean izandako jarrerek uste hori ''berretsi'' egiten dute.
Hori dela-eta, hiru parlamentariei alderdian ''baja eman'' diete, ohar horretan azaldu dutenez. Gainera, bere karguak (Eusko Legebiltzarreko bozeramaile kargua barne) Aralarren esku uztea eskatu diete.
Zure interesekoa izan daiteke
Carlos Garaikoetxea hil da, frankismoaren ondorengo lehen lehendakaria
Politikari nafarra, Eusko Alkartasunaren sortzailea, 87 urterekin zendu da bihotzeko baten ondorioz. Iruñean hil da gaur, maiatzaren 4ean.
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
