Nafarroa, Osasun eta Hezkuntza sektoreetako murrizketen aurka
Nafarroak helegite bana aurkeztuko ditu Auzitegi Konstituzionalean, Espainiako Gobernuak Osasun eta Hezkuntza sektoreetan ezarri dituen murrizketen aurka. Hala erabaki du gaur Nafarroako Parlamentuak, PSN, NaBai, Bildu eta I-E taldeen babesarekin. PPNk kontra bozkatu du bi kasuetan eta aipatzekoa da UPNk Hezkuntza sektoreko murrizketak errekurritzea babestu duela.
Hezkuntza sektoreko neurriei dagokienez, lege-dekretu berriaren zenbait artikulutan Nafarroaren eskumenak urratzen direla ondorioztatu du Foru Parlamentuko zerbitzu juridikoak egindako ikerketak.
Ildo berean, Osasun sektorean murrizketak ezartzeko onartu zen lege-dekretuaren hiru artikulu Konstituzioaren kontrakoak direla ebatzi dute. Aurrekoan ez bezala, kasu honetan Nafarroaren eskumenak urratzen ez direla uste dute, baina, aitzitik, lege-dekretuz onartzeko premiazkotasuna justifikatuta ez dagoela ondorioztatu dute.
Agerraldiak
Juan Jose Lizarbek (PSN) esan du “beharrezkoa” dela bi helegiteak aurkeztea, “arrazoi juridikoak, konstituzionalak eta politikoak daudelako”.
Nekane Perezek (NaBai) deitoratu du Espainiako Gobernuak lege-dekretu bidez ezarritako neurriak Alderdi Popularren ideologiari erantzuten diotela. “Eskubideak urratzen dituzte eta ekonomia guztiaren gainetik jartzen dute”, salatu du.
Maiorga Ramirezek (Bildu), berriz, Auzitegi Nazionalean ezarriko dituzten helegiteak beharrezkotzat jo ditu, baina nahikoa ez dela erantsi du; izan ere, “Konstituzionalak erabakitzen duena erabakita ere, Alderdi Popularraren neurriek ez dute Nafarroako gizartearen oniritzia”.
Marisa de Simonen (I-E) arabera, “neurri horiek Osasungintzako eta Hezkuntza baliabideak murrizten dituzte”.
Bestalde, Carlos Garcia Adanerok (UPN) bere alderdiak Hezkuntza sektoreko murrizketen aurka helegitea aurkezteko proposamena babestu izana justifikatu du: “Zerbitzu juridikoek egindako txostenak dio kasu horretan Nafarroako eskumenak urratu egiten direla, baina Osasungintzari buruzko murrizketetan horrelakorik ez dagoela”.
Eloy Villanueva PPNren bozeramaileak, berriz, Espainiako Gobernuak “gizartearen interes nagusiak eta herritarren beharrizanak aintzat hartuta” ezartzen dituela neurriak azpimarratu du. “Gobernuak erabakiak hartu behar ditu eta, gure ustez, erabakiak bete egin behar dira”, erantsi du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.