Aieteko Adierazpenaren jarraipen batzordea, Powellen lehentasuna
Jonathan Powell Tony Blairren Gobernuko buru ohiak gaur goizean Donostian egin duten bileran egindako adierazpenen arabera, Aieteko Konferentzian parte hartu zuten alderdiek ETAren indarkeria behin betiko amaitu dela egiaztatu dute. "Garai berri batean gaude", esan du hedabideen aurrean egindako agerraldian.
Ezker abertzaleko, EAJko, Aralarreko, EAko, EBko, Ezker Anitza-IUko, Amaiurreko, LABeko eta CCOOko ordezkariak Jonathan Powell Tony Blairren kabineteko buru ohiarekin bildu dira gaur goizean Aieteko Bakearen Etxean, Donostian, Euskal Herrian bakea lortzeko prozesuaren nondik norakoez eta nazioarteko adituek egindako ekarpenez hitz egiteko.
Powellek iragarri duenez, hurrengo urratsen artean, Aieteko Konferentziaren jarraipen batzorde bat osatzea lehentasuna izango da Konferentziako partaideentzat.
Aieteko Konferentziatik 13 hilabete igaro direnean, zer gertatu den eta zer ez den gertatu aztertu dute gaur, eta denak bat etorri dira ondorio nagusi batean: "ETAren indarkeria behin betiko amaitu da".
Powellen hitzetan, bake garai berri batean gaude, ETAren jarduera armatua "behin betiko" amaitu ondoren.
Aieteko Konferentziaren bosgarren puntuaz aritu da Powell, hau da, jarraipen batzordea eratzeko aukera aurreikusten zuen puntuaz. Alderdi eta sindikatuek "ondo" hartu dutela azpimarratu du Paul Rios Lokarriko bozeramaileak.
Lehena heltzen, Izagarre
Juan Karlos Izagirre (Bildu) Donostiako alkatea izan da Bakearen Etxera iristen lehena, eta Paul Rios Lokarriren koordinatzaileak, ekimenaren sustatzaile nagusiak, egin dio harrera.
Ondoren, biek egin dituzte anfitrioi lanak. Jesus Uzkudun eta Jose Maria Garcia CCOOren ordezkariak iritsi dira lehenik, Joseba Aurrekoetxea eta Txaro Goikoelea EAJkoak gero, eta ondoren iritsi dira Jose Navas Ezker Batukoa eta Mikel Arana eta Isabel Salud Ezker Anitza-IUkoak.
Powell, gaurko hitzorduko protagonista nagusia, hamarrak bost gutxi aldera iritsi da Bakearen Etxera. Ikerne Badiola eta Mariano Alava EAkoak, Rufi Etxeberria, Pernando Barrena eta Juan Jose Petrikorena ezker abertzalekoak, Ainhoa Etxaide LABekoa, Uxue Barkos Geroa Baikoa, Patxi Zabaleta Aralarrekoa eta Jon Iñarritu Amaiurrekoa izan dira iristen azkenak.
Gaurko hitzordua prestatzeko, Powellek bilerak zituen lehengo astean, Euskadin, besteak beste, Iñigo Urkullurekin, ustez, etorkizuneko lehendakariarekin.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.