Santiago Cervera (PP), ustezko xantaia kasu batean nahasita
Santiago Cervera PPko diputatua atxilotu egin zuten atzo, baina, epailearen aurretik pasatu ostean, dagoeneko aske gelditu da. Jose Antonio Asiain Nafarroako Kutxako (CAN) presidenteari ustez xantaia ekonomikoa egiten saiatzeagatik atxilotu zuten.
Epaileak Auzitegi Gorenaren esku utziko du gaur auzia, Cervera forupekoa baita.
Diario de Navarra egunkariak dionez, CANeko presidenteak salaketa jarri zuen hilaren 5ean mezu elektroniko anonimo bat jaso ondoren. Bertan, 25.000 euro ordaintzeko eskatu zioten, eta, egin ezean, bere jarduera profesionalekin lotutako informazioa kaleratuko zuten mehatxua egiten zioten. "Finantza entitatetik bere abokatu bulegora diru-kopuru handi bat fakturatzea eta bertan lan egiten duen bere semeak ere onurak jasotzea" egozten zioten.
Hilaren 7an, Iruñeko Igerileku Klubaren ondoko harresiko zirrikitu batean, gutun-azal itxi batean, 25.000 euro uzteko eskatu zioten.
Guardia Zibilak zaintza lanak hasi zituen bertan, eta PPko diputatua atxilotu zuen gutun-azala hartu zuenean.
Epailearen aurretik pasatu ostean, aske gelditu da eta anonimo baten bitartez ere iruzur baten biktima izan dela esan du.
Cerveraren adierazpenak
Bere blog pertsonalean, Cerverak ukatu egin du egotzitakoa, baina "arduragabekeria" bat egin izana aitortu du.
Diputatu nafarrak azaldu duenez, ezezagun batek mezu elektroniko bat bidali zion, atxilotu duten lekura joaten bazen, Nafarroako Kutxari (CAN) buruzko informazioa jasoko zuela esateko. Mezuaren arabera, "informazio judizial garrantzitsua" izango zen. Cerverak hori informazioa bidaltzeko modu aproposa ez dela esan omen zion, betiere horren bertsioaren arabera, baina zerbitzariak itzuli egin zion erantzuna.
Atzo, Cervera Iruñean izan zen, eta aipatu informazioa aipatu lekuan utzi ote zuten egiaztatzeko "jakin-mina" izan zuen, eta, beraz, esandako lekura joan zen. Behin leku horretan, gutun-azal bat ikusi zuen, eta hartu egin zuenean, guardia zibilak agertu eta atxilotu egin zuten.
PPk espedientea ireki dio
PPk espedientea ireki dio Santiago Cervera diputatuari ustezko xantaia auziaren inguruko nondik norakoak argitzeko. "Gertatutakoa berretsiz gero, Parlamentuan eta alderdian neurriak hartuko dira", adierazi du Maria Dolores de Cospedal PPren idazkari nagusiak.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.