CiUk, ERCk eta ICV-EUiAk burujabetza adierazpena erregistratu dute
CiU, ERC eta ICV-EUiA alderdiek burujabetzari buruzko adierazpena adostu dute, eta gaur Kataluniako Parlamentuko erregistroan aurkeztu dute 10:00ak baino lehen.
CiU eta ERCk erabakitzeko eskubideari buruz adostutako adierazpenari hainbat aldaketa egingo dizkiote, izan ere, ICV-EUiAk proposatutako aldaketak onartu dituzte. CUP alderdiak ez du zehaztu adierazpena babestuko duen ala ez.
Burujabetzari buruzko adierazpenean irakur daitekeenez, herritarren erabakitzeko eskubidea gauzatzeko prozesua abian jartzea erabaki du Kataluniako Parlamentuak, eta horretarako oinarri batzuk hartuko dira kontuan: "legitimitate demokratikoa aintzat hartuta, Kataluniak sujetu politiko eta juridiko izaera du".
Hiru alderdiak Espainiarekin, Europako erakundeekin eta nazioartearekin hitz egiteko eta negoziatzeko prest daude. Halaber, argi utzi dute hartuko diren erabaki guztiak Kataluniako Parlamentuaren baitan hartuko direla.
Gaineratu dutenez, Kataluniako Parlamentuak eta Generalitateak prozesuan parte hartzera gonbidatu behar ditu alderdi politikoak, eragile ekonomikoak, gizarte erakundeak eta kultura eragileak.
PSC alderdiak ez du bat egin burujabetza adierazpenarekin, eta osoko zuzenketa aurkeztu du. Halaber, negoziazioekin jarraitu ahal izateko luzapena eskatu dio Kataluniako Parlamentuko Mahaiari. Gaur elkartuko dira Mahaiko kideak, eta sozialisten eskariari erantzungo diote.
Popularrek ere osoko zuzenketa aurkeztu diote CiU, ERC eta ICV-EUiA alderdiek aurkeztutako burujabetzari buruzko adierazpenari. Popularrek Artur Masi gogorarazi diotenez lehentasunak krisia gainditzea, enplegua sortzea eta defizit publikoa murriztea dira.
Asteazkenean, X. legegintzaldiko lehen osoko bilkuran, bozkatuko dute alderdiek erabakitzeko eskubidearen gaineko adierazpena Kataluniako Parlamentuan.
Sozialisten proposamena
"Legezkoa" izango den erabakitzeko eskubidea bultzatzea proposatu dute sozialistek, eta horien hitzetan, legitimitate demokratikoa aintzat hartuta, Kataluniak "subjektu politiko izaera du, eta bere eskubidea gauza dezake Espainiako eta Kataluniako Gobernuak ados jartzen badira". Halaber, Katalunia sujetu politikoa dela onartzen dute sozialistek, baina ez datoz bat sujetu juridiko izaera horrekin, eta hori da, hain zuzen ere, adierazpena ez onartzeko arrazoietako bat.
TV3 telebista katean egindako elkarrizketa batean Maurici Lucena ordezkari sozialistak adierazi duenez," burujabetza Espainiako herriari dagokio" eta PSCk aurkeztutako proposamenak legea errespetatzen du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.