Parot doktrinaren aurka, alderdien arteko akordioak nahi ditu Herrirak
Herrira presoen eskubideen aldeko plataformak alderdi politikoekin eta eragile sozialekin bilera-sorta hasi du, denen artean Parot doktrinaren aurkako akordio bat egiteko asmoz.
Jon Garay eta Nagore Garcia bozeramaileek aurkeztu dute ekimena Bilbon egindako prentsaurreko batean, plataformak lehen urteurrena bete duen egunean.
Espainiar estatuak Parot doktrina ezartzen jarraitzen duela salatu du Herrirak, eta zehazki, astelehenean Ramon Aldasoro eta Raul Alonso presoei zigorrak "luzatu" dizkietela jakin zutela esan dute. Hori dela eta, dagoeneko "zigor guztia bete eta espetxean jarraitzen" duten lagunak 73 direla azpimarratu dute, "20, 25 eta 30 urte daramatzate espetxean, eta batzuek gaixotasun larriak dituzte".
Herrira mugimenduko bozeramaileek esan dutenez, Europako Giza Eskubideen Auzitegiak Parot doktrinaren aurkako epaiari Espainiak jarritako helegitea aztertuko du martxoaren 20an.
Mezu bateratua Europaren aurrean
Kartzela politika berri baten beharraren eskaria Europara eraman nahi du Herrirak, eta eskari horrekin bat egiteko gonbita egin die alderdi politikoei, sindikatuei, eragile sozialei eta herritarrei. Herrirak bilera-sorta egingo du Bilbon presoen eskubideen aldeko manifestazioan egon zirenekin, eta baita egon ez zirenekin ere, gaiaren inguruan "ahots bakarra" egon dadin.
Iñigo Urkullu lehendakariarekin eta Yolanda Barcina presidentearekin bilera egin nahi dute, baina, adierazi dutenez, oraindik ez dute bi politikariekin elkartzeko datarik zehaztu.
Sindikatu eta eragile sozialekin egin beharreko bilerak hitzartu dituzte jada, eta aste honetan bertan hasiko du Herrirak bilera-sorta.
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.