Urkullu UPyDrekin bilduko da gaur, alderdien bilera-sortaren baitan
Iñigo Urkullu lehendakariak UPyDrekin ekingo dio gaur egoera politikoaz eta ekonomikoaz hitz egiteko Legebiltzarreko alderdi politikoekin egingo duen bilera-sortari.
Eusko Jaurlaritzak prentsa-agiri batean jakitera eman duenez, Gorka Maneiro UPyDren legebiltzarkidea izango da Urkulluren bilera-sorta irekiko duena, 17:00etan Lehendakaritzan.
Bilera horretan, Maneirok murrizketa sozialak ez egitea eta aldarrikapen soberanistak "ahaztea" eskatuko dio lehendakariari.
Aurreikusi dutenez, Maneirok agerraldia egingo du komunikabideen aurrean bileratik ateratzean.
Bilera-sorta
Lehendakariaren bilera-sortak ostiralean, hilaren 8an, izango du jarraipena Antonio Basagoiti PPren EAEko buruarekin; 12an Patxi Lopez PSE-EEren idazkari nagusiarekin eta Laura Mintegi EH Bilduko bozeramailearekin elkartuko da; eta 13an, Andoni Ortuzar EAJko presidentea hartuko du.
Josu Erkoreka Jaurlaritzaren bozeramaileak iragarri duenez, hilaren 14an, ostegunean, Urkulluk bileren balantzea egingo du prentsaurreko batean.
Aurretik, lehendakaria Javier de Andres, Martin Garitano eta Jose Luis Bilbao Arabako, Gipuzkoako eta Bizkaiko ahaldun nagusiekin elkartu zen, erakundeen artean akordioak lotzeko asmoz.
Era berean, lehendakariak Ibone Goikoetxea Eudelen presidentea jaso zuen atzo, eta Udalen ordezkariak Udal Lege berria eskatu zion, udalek Euskal Finantzen Kontseiluan tokia izan dezaten.
Alderdi politikoen ostean, Urkulluk Confebask patronala eta ELA, LAB, CCOO eta UGT sindikatuak hartuko ditu Lehendakaritzan.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.