PSE-EEk Patxi Lopez idazkari nagusi hautatu du berriro
PSE-EEren VII. Kongresuak Patxi Lopez berriro idazkari nagusi hautatu du, botoen %88,95 jasota. Guztira, 326 boto zenbatu dituzte, horietatik 290 Lopezen aldekoak eta gainontzeko 36 zuriak.
Halaber, Batzorde Exekutiboaren kudeaketa txostena onartu dute: aldeko botoak 267 izan dira, 8 kontra eta 41 abstentzio.
Botazioaren ostean, Lopezek "borrokarako" deia egin die militanteei, abertzaleak "Jaurlaritzara bueltatu eta gora etorri direlako" eta eskubia "hainbat urtetan sakrifizio handiz lortutakoa deusezten ari delako".
Idazkari nagusi berriro hautatua izan eta ondoren egindako hitzaldi laburrean, sozialistek azken urteetan "lortutako gauza guztiak" azpimarratu ditu Portugaletekoak, eta horien artean "Euskadiko Gobernua" aipatu du.
"Abertzaletasun harroputz eta baztertzailearen kontra altzatu gara, Lizarrako akordioa eta Ibarretxeren planarekin gu baztertu nahi gintuena", salatu du.
Halaber, sozialisten militante batentzat idazkari nagusi izatea baino "ohore handiagorik" ez dagoela adierazi du. "Lehendakari izan naiz, baina zuen idazkari nagusia izateak eta bizitza arriskuan jarri duten militanteen ordezkari izateak eragin dit harrotasun gehien", azaldu du Lopezek.
Gainera, botazioan izan duen babes handiak era "harro" sentiarazten duela esan du. Lopezen ustez, PSE-EE alderdi "ezberdina" da, eta sentimentuetatik indarrak atera eta ekimen politikoa bultzatzearen alde egin du.
Goizeko hitzaldia
Goizeko hitzaldian adierazi duenez, "fiskalitate bidezkoago" egiteko erreforma fiskala abiatuko du Eusko Legebiltzarrak, egungo legealdia amaitu baino lehen, alegia. Halaber, Ustelkeriaren aurka borroka egiteko Gardentasun Legea eta kargu publikoaren jarrera arautzeko Legea defendatu ditu Lopezek.
Horren harira, Lopezek esan duenez, 'Barcenas auzia'k "ez du bakarrik PP kaltetzen, sistema demokratiko osoa baizik". Ondorioz, Mariano Rajoy Gobernuko presidentea kritikatu du, "erantzukizunak hartu ez dituelako eta erruari beti besteati bota diolako".
Halaber, PSE-EEko Zuzendaritza-batzordearen kide guztien errenta-aitorpenak eta alderdiaren diru-sarrerak eta gastuak argitaratzeko proposamena egin du.
PSE-EEren VII. Kongresua hartu du Bilboko Euskalduna Jauregiak, eta 'Etorkizunerako ideiak' lelopean, 400 ordezkari bilduko dira, hitzaldi politiko eta organikoaren 1.400 zuzenketa eztabaidatzeko eta bozkatzeko. Lopezek ohartarazi duenez, egungo agintaldia amaitzean, "zerbitzu publiko gutxiago izango dugu, eta zorra handiagoa izango da".
Parte-hartzaileak
Kongresuaren hasierako minutuetan, David Martinez Notario euskal gazte sozialisten kidea gogoan hartu dute (auto-istripuz hil zen ostiralean). Euskalduna Jauregian, Guillermo Fernandez Extremadurako PSOEko idazkari nagusia, Oscar Lopez PSOEko Antolakuntzarako idazkaria, Txiki Benegas eta Eduardo Madina, besteak beste, izan dira.
Lopezek azken lau urte eskertu ditu, haren esanetan, "historikoak" izan direlako, eta sozialistak "terrorismoarekin amaitzeko eta elkarbizitza sendotzeko gai" izan zirela azpimarratu du. Lopezen ustez, erreforma fiskala "Euskadiko eztabaida politiko eta ekonomiko handia da", eta "hiru urteko zorra" dutela egotzi die EAJri eta PPri. "Jeltzaleen jarrera ez-morala izan da", salatu du Lopezek, "nahi dutena boterea baino ez da, bost axola zaie Euskadi".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.