Euskal Finantzen Kontseiluak ez ditu diru-sarrera aurreikuspenak igoko
Arabako eta Gipuzkoako aldundiak gustura agertu dira biharko Eusko Jaurlaritzak Euskal Finantzen Kontseiluan, Bizkaiko Aldundiaren proposamenaren kontra, 2013ko diru-sarrera aurreikuspenak igotzeko proposamena ez aurkezteko hartutako erabakiarekin.
Arabako eta Gipuzkoako aldundiak ekimenaren kontra agertu ziren, eta Jaurlaritzak eta Bizkaiak Euskal Finantzen Kontseiluan proposamena onartzeko nahikoa babes zuten, aldundiek boto bana eta Jaurlaritzak hiru boto dituztelako erakunde horretan. Baina azkenean, Jaurlaritzak ez du Jose Luis Bilbao Bizkaiko ahaldun nagusiaren proposamena aintzat hartu.
Araba
Javier de Andres Arabako ahaldun nagusiak prentsaurreko batean azaldu duenez, Euskal Finantzen Kontseiluko tentsioa arinduko du Jaurlaritzaren erabakiak, eta "erraztu egingo du adostasunera iristeko bidea". Izan ere, Arabako ahaldun nagusiak uste du Bizkaiko Aldundiaren proposamena babestuz gero, Eusko Jaurlaritzaren aurrekontuek osoko zuzenketa jasoko zutela.
"Oso egokia iruditzen zait tentsioa arintzea, eta erakunde guztiei kalte egingo ez dien eta errealitate ekonomikoarekin bat egiten duten, beste formula batzuk bilatzea Eusko Jaurlaritzaren aurrekontuak osatzeko", gaineratu du De Andresek.
Gipuzkoa
Larraitz Ugarte Gipuzkoako Aldundiaren bozeramailea ere gustura agertu da Jaurlaritzak 2013ko diru-sarreren aurreikuspenak igotzeko proposamena baztertu duelako.
Ugarteren esanetan, ez zen egokia diru-sarrerak "artifizialki puztea", eta gogor kritikatu du biharko bileraren gai-zerrenda 48 orduko epemuga baino beranduago helarazi dietelako.
Bizkaia
Bizkaiko Aldundiaren aldetik, Unai Rementeria bozeramaileak hitz egin du eta proposamena "leialtasun instituzionalagatik" egin zutela azpimarratu du, zerga berri batzuekin "diru-sarrera berriak" egongo zirelako.
Hala ere, Rementeriak "errespetu osoa" agertu dio Jaurlaritzaren erabakiari, eta urriko Euskal Finantzen Kontseiluan ekimena berriro aztertzeko aukera egongo dela gogorarazi du.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.