ETAk laster 'armak partzialki emango dituela' aurreikusi du EAEko PPk
Iñaki Oyarzabal EAEko PPren idazkari orokorra baikor azaldu da eta "egun edo aste batzuk barru, ETAk armak partzialki emango dituela" aurreikusi du, "Espainiako Gobernuaren determinazioak behartuta, bake prozesuan atzera bueltarik egon ez dadin eta kontzesio politikorik gabe".
Efe agentziak eginiko elkarrizketa batean, buruzagi popularra baikor azaldu da eta "laster, ETAk beste keinu batzuk" egingo dituela uste du.
"Datozen egun edo asteetan, armak partzialki ematea" gerta daiteke, eta hori Espainiako Gobernuaren lanari esker izango litzakeela nabarmendu du.
Testuinguru horretan, Nazioarteko Egiaztatzaileen Taldeak izan dezakeen paperaren inguruan, "alde batek kontratatutakoak" direla esan du, "Batasunaren munduaren estrategiari nazioarteko oihartzuna emateko".
Ildo horretan, ETAk eman ditzakeen pausoak "eszenifikazio jakin batekin eta bitartekariekin" egingo direla ohartarazi du, nahiz eta horren iritziz, keinu horiek "Espainiako Gobernuaren determinazioari esker" lortuko diren.
EH Bilduk "iraganeko diskurtsoan" jarraitzea kritikatu du EAEko PPren idazkari orokorrak. Halaber, Sortu ezker abertzaleko kide historikoekin jaiotzeak, "Batasunak bere proiektua EH Bilduren barruan ezarri nahi duela berresten duela" uste du.
Legebiltzarrean eratuko den Bake eta Bizikidetza lantaldearen inguruan, ez du aurreratu bertan parte hartuko duten ala ez; "EAJren eta PSE-EEren jarreraren" baitan egongo dela azaldu du.
Hori dela eta, "idatziz", asmoak zeintzuk diren argitzeko deia egin die EAJri eta PSE-EEi eta "EH Bilduren erosotasuna erraztuko duten edo gutxieneko eskakizun batzuk egingo dituzten" argitzeko eskatu die.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.