Jaurlaritzak uztailerako prest izango du 'sufrimenduaren mapa'
Jonan Fernandez Eusko Jaurlaritzako Bake eta Bizikidetzarako idazkari nagusiak azaldu duenez, uda aurretik Bake eta Bizikidetza Egitasmoa osatuta egongo da. Uztailerako, bestalde, prest izango du azken 50 urteotako giza eskubideen urraketen eta sufrimenduen mapa. Fernandezen ustez, zaila izango da bake eta bizikidetza alorrean akordio zabalak lortzea, eta, horregatik, alderdi politikoen arteko akordio txikiak bultzatuko ditu.
Bake eta Bizikidetzarako idazkari nagusiak lehen agerraldia egin du gaur Eusko Legebiltzarrean, EAEn normalizazio politikoa eta bakea lortzeko bere lan ildoak zeintzuk izango diren azaltzeko. Aurreko asteetan, Eusko Legebiltzarrean ordezkaritza duten alderdi politiko guztiekin bilerak egin ditu.
Fernandezek iragarri duenez, uda aurretik osatuta egongo da Bake eta Bizikidetza Egitasmoaren lehen zirriborroa. Horren esanetan, bere idazkaritzaren helburua gizartea elkartzea izango da. Akordio zabalak lortzea zaila izango dela onartu du, eta horregatik akordio txikiak bultzatuko ditu iraganaz, orainaz eta geroaz.
Uztaila aurretik, azken 50 urteotako giza eskubideen urraketen eta sufrimenduaren mapa osatuta egongo da. Bertan, ETAren hilketak, Poliziak hildako biktimak eta bestelako hildakoak jasoko dituzte, Jonan Fernandezen arabera.
Jonan Fernandezek iraganarekiko autokritika egitea eskatu die guztiei. "Ez dut irabazle-galtzaile dikotomia horretan sinesten, biolentzia garaitu behar da, baina pertsonak integratu egin behar dira", gaineratu du.
Julen Arzuaga EH Bilduko legebiltzarkideak esan duenez, kritika asko jaso ditu Jonan Fernandezek, eta "presioa arintzeko" gatazkaren konpontzearekin zerikusirik ez duten baldintzak bere gain hartu ditu. Rodolfo Ares Alderdi Sozialistako legebiltzarkidea akordioetara heltzeko prest agertu da, eta helburu nagusia "ETA behin betiko desegitea da", nabarmendu du.
Jonan Fernandezen profila ez da ez Alderdi Popularraren ez UPyDren gustukoa, eta Bake eta Bizikidetzarako idazkari nagusiaren egitasmoak gaur ere ez ditu konbentzitu.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.