Beltran de Herediak Alkortaren atxiloketa negoziatu izana ukatu du
Estefanía Beltran de Heredia Segurtasun sailburuak Urtza Alkortaren atxiloketa Laura Mintegi EH Bilduko bozeramailearekin negoziatu izana ukatu du. Beltran de Herediak adierazi duenez, Mintegiri telefonoz deitu zion atxiloketa egitera zihoazela esateko eta une horretan zubian zegoen jende pilaketaren arriskuaz ohartarazteko. Hilaren 15ean atxilotu zuten Alkorta, Auzitegi Gorenak ETAren talde bati laguntzea egotzita bost urteko espetxe zigorra ezarri ostean.
"Ez diot neure buruari ezer aurpegiratu behar, egun horretan hitz egin nuen eta mila bider hitz egingo nuke", esan du.
Beltran de Herediak joan den maiatzaren 15ean Mintegirekin izandako telefono elkarrizketaren inguruko azalpenak eman ditu Eusko Legebiltzarrean, PSE-EEren eta UpyDren hainbat galderei erantzunez.
Mintegik "bitartekari lanak" egin nahi zituen
Laura Mintegi EH Bilduren bozeramaileak ere hartu du hitza, Legebiltzarraren presidenteari baimena eskatu ostean, eta Ondarroara "bitartekari lanak" egitera joan zela azaldu du.
Mintegiren esanetan, ez zen joan "Ertzaintzari zer egin behar zuen esatera", baizik eta gertatzen zena "gertutik ikustera" eta protestarien eta Ertzaintzaren artean "bitartekari lanak" egitera.
Urkullu: "Indarkeria ekintzengatik kondenatutakoak ez dira preso politikoak"
Iñigo Urkullu lehendakariak, ETAko presoen harira, indarkeria ekintzekin giza eskubideak urratzeagatik kondenatuta dauden pertsonak ezin direla "preso politikotzat" jo esan du.
Urkulluk Eusko Legebiltzarrean egin ditu adierazpen horiek, Txarli Prieto legebiltzarkide sozialistak egindako galdera bati erantzunez. Prietok "preso politikoen" terminoaren inguruan bere jarrera zein den argitzeko eskatu dio lehendakariari.
Zure interesekoa izan daiteke
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.
Espainiako Gobernuak Yolanda Diaz proposatu du Lanaren Nazioarteko Erakundearen zuzendari izateko
Hautatua izango balitz ere, gaur egun Espainiako Lan ministro eta bigarren presidenteorde denak ez luke kargua hartuko 2027ko urrira arte.
50 urte Pertur desagertu zela: itzalak eta hipotesiak ETA pm-ko buruzagiaren desagerpenari buruz
Mende erdiren pasata, Perturren desagerpena misterioz inguratuta dago oraindik. Giza Eskubideen Behatokiak gerra zikinaren hipotesiaren zilegitasuna indartu du; Gaizka Fernandez historialariaren ustez, berriz, teoria horrek "gezurrezko" jatorri du.
Perturren familiak erantzun eske jarraitzen du, desagertu zenetik 50 urte igaro direnean: "Zerbait dakienak esan diezagula"
Ines Morenok eta Lurdes Auzmendik, Eduardo Moreno Bergaretxe Perturren arrebak eta bikotekideak, ETA politiko-militarreko kidea desagertu zenetik 50 urte igaro direnean, haren memoria aldarrikatu dute, eta oraindik argitu gabe dagoen auzia argitzeko egia ezagutarazteko deia egin dute.