EAJ-PSE akordioa "etsigarria" dela uste du EH Bilduk
EH Bilduk EAJ eta PSEk erreforma fiskalaren inguruan hitzartutako akordioa "etsigarritzat" jo du. Koalizioaren aburuz, akordioak ez ditu herritarren beharrak erantzuten eta ez du "herrialde perspektibarik".
Rebeka Ubera, Unai Ziarreta, Joseba Permach eta Oskar Matutek Donostian eman duten prentsaurrekoan hitzartutako akordioa "zehaztasunik gabea" dela satatu dute. Akordioaren "gabezia" nagusien inguruan, berriz, "herri honen benetako arazoei konponbiderik ez ematea" salatu du Bilduk. "EAJ eta PSEren interesei bakarrik egiten dio mesede", gaineratu du koalizioak.
"Ez du herrialde perspektibarik, Euskal Autonomia Erkidegora solik mugatzen baita", azpimarratu du. Gaineratu du akordioak garbi uzten duela "zein den EAJ alderdiaren zoru politikoa".
Koalizioak alderdi, sindikatu eta gizarte eragileen arteko akordioa eskatu du, eta ez du adierazpenik egin gai fiskalen inguruan Batzar Nagusietan izango duen jarrerari buruz.
Ziarretak baieztatu duenez, "akordioak garbi erakusten du EAJ Madrilera begira" dagoela. "Muzinik egin gabe onartzen ditu Madrilgo politika ekonomikoak eta inposaketak", gaineratu du. Hori dela eta, akordioa "eredu ekonomiko bera defendatzen dute bi alderdiren arteko propaganda-hitzalditzat jo du".
EAJ eta PSEren arteko akodioak gaur egungo ereduari eusten diola uste du Bilduk, "krisialdira eraman gaituen ereduari hain zuzen ere". "EH Bilduren aburuz, krisiari erantzuteko modua demokrazia eta subiranotasunaren alde borroka egitea da, eta akordio honek ez dio horri erantzunik ematen", amaitu du.
Zure interesekoa izan daiteke
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.