'Parot doktrina' mintzagai, preso ohi batekin eta bi senitartekorekin
1991n atxilotu zuten Oskar Abad, 20 urte zituela. ETAko beste kide batzuekin batera Guardia Zibilaren agente baten auto azpian lehergailu bat jartzen ari zela, lehertu egin zitzaion, eta larri zauritu zen.
Ekintza hori dela-eta, 38 urteko kartzela-zigorra ezarri zion Auzitegi Nazionalak 1995ean.
Urtebete geroago, berriz epaitu zuten, ETAko Txaparta taldeko kidea izatea eta Basaurin polizia baten kontra atentatua egitea egotzita.
2010eko abenduaren 31n utzi behar zuten aske, baina 'Parot doktrina' dela-eta, 2021a arte luzatu zioten zigorra.
Orain urtebete, Auzitegi Nazionalak zigorra berrikusi zuen eta, 1985eko Kode Penala oinarri hartuta zigortu behar zutela iritzita, aske utzi zuten.
Kartzelatik irten zenean ''hodei batean bezala'' sentitu zela azaldu du Radio Euskadin. Senitartekoen, lagunen eta elkarteen laguntzarekin, ''zerotik hasi'' behar izan zuela azpimarratu du.
Bake-prozesuak egun duen egoeraz galdetuta, ETA ''desarmatzeko irrikan'' dagoela baina prozesua modu ordenatuan egin behar dela esan du Abadek. ''Bestela, ez da bideragarria'', gaineratu du.
ETAko presoen senitartekoak
Mahai-inguruan, ETAko presoen bi senitartekok ere hartu dute parte: Nagore Lopez de Luzuriagak eta Jone Artolak.
Kartzelan osaba eta izeko bat ditu orain Lopez de Luzuriagak, eta izekoa minbiziak jota dago. Biei eragiten die 'Parot doktrina'k.
Doktrina hori aplikatuta, kartzelan 28 urte daramatzan Joseba Artolaren arreba da Jone. Biek espero dute senitartekoak ahalik eta arinen aske geratzea.
''Parot doktrina dela-eta gure senitartekoek kartzelan eman dituzten gehiegizko urteak guk pairatu ditugu, bidaiak egiten jarraitu dugulako eta astebururo bizia arriskuan jarri dugulako''. Hala, familiako kideek ere zigorra jaso dutela azpimarratu dute, eta, beraz, Estrasburgoko ebazpenak zapore ''gazi-gozoa'' duela.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.