ANk ez dio Gorenari itxarongo eta ETAko 9 preso aske utziko ditu
Auzitegi Nazionalak ez dio Auzitegi Gorenari itxarongo, eta 'Parot doktrina' dela eta kartzelan dauden ETAko presoen helegiteak berak erabakiko ditu. Gaur, ETAko bederatzi preso aske uztea erabaki du.
Auzitegi Nazionaleko Osoko Bilkurak lau orduko bilera egin du, eta helegiteak berak aztertzea erabaki du. Bederatzi epailek aldeko botoa eman dute eta zortzik, berriz, aukakoa. Fernando Grande-Marlaska Zigor arloko aretoaren presidentearen botoa erabakigarria izan da erabakia hartzeko.
Hauek dira kartzelatik aterako diren presoak: Txomin Troitiño, Jon Aguinagalde Urrestarazu, Luis Mari Azkargorta Belategi, Isidro GaraldeBedialauneta, Jokin Sancho, Iñaki Urdiain Ciriza, Joseba Artola, Elias Fernandez Castañares, Patxi Gomez Lopez.
Osoko Bilkuraren gehiengoaren iritzian, beraz, preso hauei ez die Fiskaltzak egindako interpretazioa eragiten; irizpide hori kontuan hartuta ere, ezarritako zigorra beteta edukiko luketelako.
Auzitegi Gorenak hilaren 12an eztabaidatuko du gai horren inguruan.
Goizean egin den Osoko Bilkuran hamaika helegite aztertu dituzte. ETAko bederatzi preso aske uzteko erabakia hartzeaz gain, beste bik espetxean jarrai dezaten erabaki du bilkurak. Ondorengoak dira: Juan Andres Urkizu, Auzitegi Konstituzionalean errekutsoa erabakitzeko zain duelako, eta Raul Ibañez Diaz.
Ines del Riok aurkeztutako helegitea
Gaurko Osoko Bilkurak ez du Ines del Rioren abokatuek aurkeztutako helegitea aztertu. Del Riok 30.000 euroko kalte-ordainaren 'blokeoa' errekurritu zuen eta Espainiak Estrasburgok ezarritako kalte-ordaina ordain ziezaion eskatu. Europako Giza Eskubideen Auzitegiak 30.000 euro ordaintzeko agindua eman zion Espainiari Parot doktrina ezartzeak sortutako kalte moralengatik.
Del Rioren abokatuek erregu-errekurtsoa aurkeztu zuten zigor-arloko salan. Estrasburgoko auzitegiak ezarritako kalte-ordaina biktimei ez zuzentzeko eskatu zuten.
Era berean, hurrengo Osoko Bilkurara atzeratu dute Josefa Mercedes Ernagak aurkeztutako helegitearen azterketa.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.