Donostiako Udalak helegitea jarriko du Igeldoren desanexioaren aurka
Donostiako Udalak helegitea jarriko du auzitegietan, Gipuzkoako Diputazioak Igeldo Donostiako auzo ohiari udalerri izaera emateko abenduaren 18an kaleratu zuen dekretuaren aurka. Egun horretatik aurrera, lurraldeko 89. udalerria da Igeldo.
Erabakia gaur hartu dute Igeldoren desanexioari buruzko osoko bilkura monografikoan, PSE-EE, PP eta EAJ alderdien botoek hala erabakita. Juan Karlos Izagirre alkateak (Bildu) ez du osoko bilkuran parte hartu, Itxas Aurre Igeldoren independentziaren aldeko elkartean izan dituen ardurengatik.
Izagirre alkatea egon ez denez, Josu Ruiz lehen alkateordea izan da saioko buru, eta oposizioko talde guztien botoak Bilduren udal gobernuarenak baino gehiago izan dira bertan.
Gipuzkoako Diputazioak Igeldo Donostiatik desanexionatzea onartu zuen hilaren 17an, azaroaren 10ean orduan Donostiako auzo zen udalerrian egindako galdeketa ez lotesle baten emaitzak aintzat hartuta. Parte hartu zuten bizilagun guztien % 61,38k eman zuten independentziaren aldeko boza.
Desanexioaren aurkako balizko helegiteaz mintzatzeko osoko bikuran, Igeldoko herritarren zenbat ordezkarik idatzi bat irakurtzeko baimena eskatu dute, baina Ruizek ez die utzi, popularrek eta sozialistek esan duten bezala, araudiak ez baitu baimentzen. Une horretan, segregazioaren aldekoek aretoa utzi dute, "faxistak" oihuak botatzen zituzten bitartean.
Bilkura amaituta, Juan Karlos Izagirre alkateak agerraldia egin du. Udalak gaur onartutako helegitea tramitatuko duela baieztatu du eta dimisiorik emango ez duela azpimarratu du, "hauteskunde-programan esandakoa betetzen ari naizelako, gehiengoak errespetatuta".
Zure interesekoa izan daiteke
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.
Segurtasunaren gaineko azterketa sakona aldarrikatu du Diez Antxustegik, alarmismoetatik aldenduz
ETB1eko "Egun on Euskadi" saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak adierazi duenez, beharrezkoa da EAJk eta PSEk eskatutako batzar monografikoa egitea.
Lander Martinez: "Egia da aurrekontuak aurkeztu egin behar direla, eta gu horretan tinko egongo gara"
Sumarreko diputatuak Euskadi Irratiko "Faktoria" saioan nabarmendu du PSOEri beren eskariak mahai gainean jartzeko lanean ari direla. "Aurrekontuak aurrera joaten ez badira, pentsatu beharko dugu zer egin, baina aurrera ateratzen ditugun gauzekin uztailera arte heltzeko moduan gaude", adierazi du.
Pradalesek "erantzukizuna" eskatuko die alderdiei ostegun honetan, nazioartean dagoen ziurgabetasunari aurre egiteko
Lehendakariak gatazka geopolitikoen, inflazioaren eta eraldaketa teknologikoaren testuinguruan kokatuko du politika orokorreko osoko bilkura, eta euskal eredua defendatuko du zerbitzu publikoak, ekonomia eta ongizatea indartzeko bide gisa.
Eusko Legebiltzarreko politika orokorreko osoko bilkura, zuzenean
09:30etatik aurrera, Eusko Legebiltzarrak ikasturte politikoari hasiera emateko osoko bilkura egingo du.
Albiste izango dira: lehendakaria ELArekin eta LABekin bilduko da, oposizioak irabazi du Suedian eta Euskal Zinemaren Galaren aurkezpena
Gaurkoan Orain-en albiste izango direnen laburpena, bi hitzetan.
Pradalesek gehiengo sindikala hartuko du gaur, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.