Cristina infanta inputatu du epaileak, dirua zuritzea egotzita
Jose Castro epaileak Cristina infanta inputatzea erabaki du, iruzur fiskala eta dirua zuritzea egotzita. Infantak martxoaren 8an deklaratu beharko du, gaur igorritako autoaren arabera.
Gaur erabaki du epaileak erregearen alaba txikiena inputatzea, eta 227 orrialdeko autoa igorri du, erabakiaren nondik norakoak azalduz.
Epailearen erabakia ezagutu eta gero, Errege Etxeak "errespetua" agertu du. Duela egun batzuk, Rafael Spottorno Errege Etxeko bozeramaileak Noos auziko instrukzioa berehala ixtea eskatu zuen, "martirioa" baita erakundearentzat.
Gobernuak eta PSOEk "errespetua" azaldu dute inputazioaren aurrean. "Justizia guztientzat berdina" dela gaineratu dute beste alderdi batzuek. IU, PNV, ERC eta BNG pozik agertu dira epailearen erabakiarekin.
Manos Limpias sindikatua baino ez zegoen infanta inputatzearen alde; Ustelkeriaren aurkako Fiskaltza, Estatuko Abokatutza eta Urdangarinen abokatua aurka agertu ziren.
Cristina Borboikoaren abokatuak helegitea jarriko duela aurreratu du, eta Fiskaltzak ere berdin egingo du segur aski.
Bigarren aldia da Castro epaileak Cristina infanta inputatu moduan deituko duena. Iazko apirilean ere erabaki zuen infanta inputatzea, baina inputazioa bertan behera utzi zuen Ustelkeriaren aurkako Fiskaltzan jarritako helegitea zela eta.
Auzitegi Nazionalak Cristina infantaren inguruko ikerketa zabaldu zuen orduan.
Infanta inputatzeko argudioak
Autoan, Castro epaileak infanta inputatzeko zantzu nahikoak daudela adierazi du. Izan ere, Aizoon "delitu fiskalak" egiteko erabiltzea baimendu zuela eta enpresa horretako funtsekin gastu irregularrak egin zituela nabarmendu du.
"Ez da inor eskandalizatu behar horren harira galderak egin nahi izateagatik", aldarrikatu du Noos auziko instrukzio epaileak.
Horren esanetan, infantak Aizoon enpresan egiten ari ziren delituen berri ba ote zuen argitu behar du.
Castroren ustez, infantaren zeregina "Ogasunaren aurrean ezkutua izatea" zen.
Halaber, Castrok ukatu egin du infanta inputatzea erabaki "arbitrarioa" izatea, eta "onartezin"tzat jo du "Estatuko Erakundeekin lotutako pertsonak" inputatzean "tratamendu berezia" eman behar izatea.
Aitzitik, pertsonaia publikoek ardura berezia izan beharko luketela iritzi dio, "jarduera konprometituak" ez egiteko.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.