ETAren amaiera kudeatzeko akordioa eskaini zion Rajoyk Urkulluri
ETAren amaiera kudeatzeko, Espainiako Gobernuaren, Eusko Jaurlaritzaren eta PSOEren artean akordioa lortzea eskaini zion Mariano Rajoy Espainiako Gobernuko presidenteak Iñigo Urkullu lehendakariari, bi agintariek otsailaren 4an Moncloako jauregian egin zuten bileran, gertuko iturriak aipatuta Europa Pressek jakitera eman duenez.
EiTBk jakin ahal izan duenez, proposamen hori egin zion Rajoyk Urkulluri joan den asteko bileran, baina ez da inolako ekimenetan zehaztu. Iturri horiek, halaber, ''ETAren amaiera ordenatua'' lortzeko oinarriak ''ahalik eta alderdi politiko gehienekin'' partekatu beharra azpimarratu dute.
Urkulluren eta Rajoyren arteko bileraren aurretik, batzarra egin zuen lehendakariak Alfredo Perez Rubalcaba PSOEko buruarekin eta Patxi Lopez PSE-EEko idazkari nagusiarekin. Urtarrilaren 31ko hitzordu horretan Andoni Ortuzar EAJko EBBko presidentea ere izan zen, eta indarkeriaren amaiera izan zuten hizpide.
Europa Presseko iturrien arabera, hilaren 4ko Rajoyren eta Urkulluren bileran presoak izan zituzten hizpide, baina lehendakariak ez zuen gai horren inguruko proposamen zehatzik aurkeztu (aurreko bilera batean egin zuen). Horrez gain, indarkeriaren bukaera nola jorratu ere hitz egin zuten. Ildo horretan, Espainiako Gobernuaren, Eusko Jaurlaritzaren eta PSOEren artean akordioa lortzea eskaini zion presidenteak lehendakariari. Bi agintarien artean ''harreman ona'' egon zela gaineratu dute iturri horiek.
Urkulluk, bestalde, "bakegintza eta bizikidetza plan oso bat" aurkeztu zion Rajoyri; ETAren desarmea, egindako kaltearen aitorpena, biktimen egoera erreparatzea, espetxe politikaren malgutasuna eta EAEn nagusi diren lau "tradizio politiko nagusien adostasunaren beharra" jasotzen ditu dokumentu horrek, Josu Erkoreka Jaurlaritzako bozeramaileak gaur goizean azaldu duenez.
Plan hori biltzen duen testua da lehendakariak Euskadiko PPko presidentari (Rajoyrekin bildu ostean elkartu zen Quirogarekin Eusko Legebiltzarrean), Sorturi, sozialistei eta gaiaren inguruan hitz egin duen ''solaskide guztiei'' aurkeztu diena, Erkorekak azaldu duenez.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.