Alokairu batean desegoki jokatu izana egotzi diete Maroto eta Alonsori
Gasteizko Udalean sortutako ikerketa-batzordearen arabera, Alfonso Alonso alkate ohiak eta Javier Maroto gaur egungoak (biak PP alderdikoak) "erantzukizun zuzena" izan zuten 2007an sinatutako lokal baten alokairu garestiegian. "Interes publikoaren aurkako izan zen", azaldu dute.
Batzordeak lehen ondorioak jakinarazi ditu gaur eta taldeek zuzenketak egingo dituzte. Bilera batean botazio bidez onartuko dituzte datorren ostegunean. Hortik, txosten definitiboa aterako dute eta plenoan boto bidez onartu edo ezeztatuko dute.
Gasteizko San Antonio kaleko lokal batzuen alokairua ikertu dute batzordean. Javier Marotok berriz negoziatu eta indarrean dago oraindik, baina Udalari 6 eta 7 milioi euro bitarteko gastua suposatuko dio, lokalak berak balio zuenaren bikoitza.
Alfonso Alonso orduko alkateak Sabayre S.A. enpresa jabedunari eta Gonzalo Anton lokalaren jabeari "mesede egin" ziotela uste dute txosteneko egileek. Izan ere, ez dute uste alokairua esleipen zuzenaren bitartez egin behar zenik, lehia librea hobestu beharrean.
Kontratuaren iraupena 10 urtetik 20ra luzatu zuten Udalak hala proposatuta. Ez zuten erosteko aukerarik eta hilean 12.500 euro (BEZaz gain) ordaindu behar zituzten. Kontratuak urteroko KPIa baino 9 puntu gehiagoko igoerak aurreikusten zituen, Udalak lokala atontzeko gastuak bere gain hartu zituen (1,2 milioi euro) eta babesteko-klausula berezi bat zuen, jabedunarentzat bereziki onuragarria.
"Ondorio gisa, kontratu hori ohiz kanpokoa da", esan dute lehen txostenean. Gaineratu dutenez, ez dago horrelako baldintzak jasotzen dituen alokairu-kontraturik: ez Udalak sinatuta, ezta beste administraziok ere.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".