Eskuina nagusi ezkerraren aurrean udal hauteskundeetako lehen itzulian
Manuel Valls Frantziako Barne ministroak baieztatu egin du eskuineko alderdiak, UMP buru dutela, izan direla garaile igandeko udal hauteskundeetan Estatu mailan, botoen % 46,54 eskuratu baitituzte. Alderdi ezkertiarrek, Alderdi Sozialista buru, berriz, botoen % 37,74 jaso dituzte.
Abstentzioa inoiz baino altuagoa izan da; % 35,87koa, hain zuzen ere. "Abstentzioa oso altua da. Herritarrek igorri diguten mezu bat da. Arduradun publikook eta politikook ulertu egin behar dugu", adierazi dio Vallsek Le Figaro egunkariari.
OpinionWay etxeak Le Figaro egunkariarentzat egindako ikerketaren arabera, Marine Le Pen ultraeskuindarraren Fronte Nazionalak botoen % 7 eskuratu ditu, eta zerrendarik bozkatuena izan da Avignon, Beziers, Forbach eta Henin-Beaumont hirietan.
François Hollande Frantziako presidente sozialistarentzat proba garrantzitsua zen gaurkoa, 2012an presidentetzara heldu zenetik bere onarpena nabarmen jaitsi baita.
Fronte Nazionalak emaitza historikoak lortu ditu
Marine Le Pen Fronte Nazionaleko buruzagiak Frantziako TF1 telebista-kateari eskainitako elkarrizketan bere alderdiak lorturiko emaitzak nabarmendu ditu: "Fronte Nazionala indar independente indartsu gisa iritsi da, bai nazio bai herri mailan".
Udal hauteskundeetan lorturiko emaitzak aintzat hartuta, "bipolarizazioaren amaiera" agerikoa dela iritzi dio Marine Le Penek. Halaber, Fronte Nazionala nazio mailan ezartzea lortu dutela adierazi du.
"Frantziako politikaren baitan, bipolarizazioaren amaieraren aurrean gaudela uste dut", adierazi du Marine Le Penek TF1 telebista-kateari eskainitako elkarrizketan. "Fronte Nazionala indartsu dator bai herri mailan eta baita nazio mailan ere, eta hauteskunde-egun honetako ustekabeetako bat dela uste dut; izan ere, Avignon bezalako hirietan zerrenda bozkatuena izatea lortu dugu", nabarmendu du.
Frantziako Gobernuak ezkerra batzeko deia egin du
Jean-Marc Ayrault Frantziako lehen ministroak ezkerra batzeko deia egin du datorren igandean egingo diren udal hauteskundeetako bigarren itzuliari begira.
"Politika ekonomiko eta sozial bidezkoagoa babesten duten guztiek batu egin behar dute", adierazi du telebista-kate bati eskainitako elkarrizketan.
"Lehen itzulia testuinguru ekonomiko eta sozial zail batean egin da. Zenbaitek beren kezkak eta zalantzak agerian utzi dituzte. Bigarren itzulira begira, ezinbestekoa izango da ezkerreko boto guztiak batzea", nabarmendu du.
UMP alderdiak ez du Fronte Nazionalarekin bat egiteko asmorik
Jean-François Cepe UMP eskuineko alderdiko presidenteak adierazi duenez, bere alderdiak ez du bigarren itzuliari begira Fronte Nazionalarekin bat egiteko inolako asmorik, eta "boto erabilgarria" ematearen aldeko aldarria egin du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.