Urkijo kargutik kendu osteko kritikak 'bidegabeak' direla dio Urkulluk
Iñigo Urkullu lehendakariaren ustean, "erabat bidegabeak" dira Txema Urkijo biktimen alorreko Jaurlaritzako aholkulari ohiak egindako kritikak, eta berretsi egin du berak eta Jaurlaritzak biktimekiko "erabateko konpromisoa" dutela.
Lehendakariaren esanetan, gainera, "zenbait alderdi politiko biktimen kontua interes politikoekin erabiltzen ari dira".
Horrela erantzun die Urkulluk orain dela gutxira arte Eusko Jaurlaritzaren kolaboratzaile izandakoak, Txema Urkijok, egindako adierazpenei. Izan ere, Urkijok, kargutik kendu ostean, Gasteizko Gobernuak ETAren biktimekiko “keinu aipagarri eta adierazgarririk ez izatea” salatu zuen.
Gasteizko Ariznabarra kiroldegian hedabideen aurrean egindako adierazpenetan, lehendakariak berretsi du berak zein Eusko Jaurlaritzak biktimekiko "erabateko konpromisoa" dutela.
Lehendakariak gaineratu du "entzundako kritikak bidegabeak" direla, eta "penagarritzat" jo du Jaurlaritzaren Biktimen Arretarako Bulegoak egindako lana "aintzat ez hartzea".
"Bakea eta bizikidetza lantzeko talde bat sortu nuen, bakea eta bizikidetza lantzeko idazkari orokor bat dago, biktima eta giza eskubideen zuzendari bat. Urkijo aholkulari bat izan da. Aholkulari horrek lan metodologiarekin ez du bat egin, eta hori izan da arrazoi bakarra", esan du Urkulluk.
Horrez gain, lehendakariak adierazi du tristura ematen diola "alderdi politiko batzuek gai hau nora eraman nahi duten ikustea, gai administratibo hutsa izanda”, eta kargugabetuak hasieratik hala aitortu zuela gogoratu du. "Ez du zerikusirik Jaurlaritzak biktimekiko duen konpromiso irmoarekin".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.