Aintzane Ezenarro, politikagintzara salto egin zuen kazetaria
Aintzane Ezenarro Egurbide 1971. urtean jaio zen, Getarian (Gipuzkoa). Kazetaritzan eta Soziologia Politikoan lizentziaduna da, eta hainbat hedabidetan aritu da, tartean EiTBn, Elkargi mugimenduarekin bat egin aurretik.
ETAk 1999. urteko su-etena apurtu zuenean, Aintzane Ezenarrok politika munduan sartzea erabaki zuen. Batasuna alderdia sortzeko prozesuan, ezker abertzaletik bereizi zen Aralar alderdiarekin bat egin zuen Ezenarrok 2001. urtean.
Bi urte geroago, Getariako zinegotzi aukeratu zuten, eta Gipuzkoako Batzar Nagusietan ere lanean izan zen. Ez zuen legealdia amaitu, Eusko Legebiltzarrerako hauteskundeetarako Aralarreko zerrendaburu aukeratu baitzuten 2005ean. Eserlekua lortu eta Aralarreko ordezkari bakarra izan zen 2005. urtetik 2009. urtera bitartean.
Legebiltzarrean Balentziaga Museoaren kudeaketa ikertzearen alde egin zuen, eta Ibarretxeren Gobernuak adostutako hainbat erabaki babestu zituen.
2009. urteko hauteskundeetan Aralarrek hiru ordezkari lortu zituen, eta, horrenbestez, talde propioa osatu zuen.
2012. urteko martxoan, Legebiltzarreko Bake eta Bizikidetza Lantaldea sortzea adostu zuten, Ezenarrok berak aurkeztutako mozioa oinarritzat hartuz. Handik bi hilabetera, Aralarreko zuzendaritzak Aintzane Ezenarro, Mikel Basabe eta Oxel Erostarbe legebiltzarkideak alderditik botatzea erabaki zuen, zuzendaritzak emandako agindua ez errespetatzeagatik.
Izan ere, alderdiaren iritziz “oso larria” izan zen Aralarreko legebiltzarkideek lantalde horren sorreraren alde botoa ematea, zuzendaritzak kontrakoa erabaki zuela jakinda.
Lantalde horretan ezker abertzalea ere egotea nahi zuen Aralarreko zuzendaritzak. Ezenarroren ustez, ezker abertzaleak bere ekarpenak egin zitzakeen, eta, horrenbestez, lantaldea sortzearen alde bozkatu zuen.
Behin legealdia amaituta, hiru legebiltzarkideek kargua utzi zuten.
2013ko ekainean, Jonan Fernándezek zuzentzen duen Bakegintza eta Bizikidetza idazkaritzan lanean hasi zen, hezkuntza alorrean aholkulari moduan.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.