Ortuzar: 'EAJ itzultzea da Gipuzkoak behar duena'
Andoni Ortuzar EAJren presidentearen esanetan, "EAJ itzultzea da Gipuzkoak behar duena".
Ortuzarrek EGI Egunaren ospakizunean parte hartu du Elgoibarren (Gipuzkoa). CiU eta Conpromiso por Galicia taldeetako zenbait kide ere izan dira EAJren gazteriaren egunean.
“Ezker abertzalearen azken burutapena”, aipatu du Ortuzarrek, “EAJri erabakitzeko eskubidearen inguruan lezioak ematea" izan da, "EAJk XIX. mendetik aldarrikatu duen eskubide baten inguruko lezioak".
"Ezker abertzalea beti heltzen da berandu. Beti ibiltzen da berandu eta gaizki. Trantsiziora berandu iritsi zen, bizitza errespetatzera berandu iritsi zen. Bakera berandu iritsi zen. Autogobernura berandu iritsi zen. 40 urteko atzerapenarekin heltzen dira beti leku guztietara", nabarmendu du.
Eta gaineratu du enplegu, suspertze ekonomiko eta politika sozialei dagozkien gaietan "berandu iritsi bakarrik ez, egon ere ez daudela; eta egotea ere ez duela inork espero".
"Ez dakite ezer. Hauek atera behar gaituzte krisialditik? Garitano eta bere ingurukoek? Baita zera ere! Esperimentu gehiagorik ez. Gipuzkoak benetako gobernu behar du, ez arazoak eragingo dituen bat, atez ateakoa, esaterako", esan du.
EGIko gazteei beti "ateak zabalik" izateko eta EAJren kide direla inoiz ez estaltzeko eskatu die.
Zure interesekoa izan daiteke
Imanol Pradales atxilotutako gazteei buruz: "Nire alaba balitz, erantzukizunen bat hartuko nuke"
EHKSk Bilboko istiluetan parte hartu ez zuela dio: "Quiles ez etortzea lortu zenean, helburuak beteta zeuden"
Podemosek zuhurtzia eskatu du, baina ez du baztertzen infiltratutako poliziak edo ultraeskuindarrak egotea istiluen atzean
Mikel Irujo eta Aitana Duque EAJren hautagaiak izango dira Nafarroako Parlamenturako Geroa Bairen zerrendan
Deustu, istiluen biharamunean: 55.000 euroko kalteak zenbatu dituzte
ErNEk Alfonso Garaikoetxea kargugabetzea eskatu du, Bilboko istiluak direla eta
Insaustik ziurtatu du indarkeria ez dela itzuliko Donostiako kaleetara, Blocusen deialdien aurrean
Javier de Andrés: "Absentismo daturik txarrenak dituen erkidegoa gara"
Ubarretxena: "Onartezina da elkarbizitza nahita okertzen duten talde antolatuak egotea"