Kutxen kontrol soziala ezinezkoa izango dela ohartarazi du EH Bilduk
Iñaki Ruiz de Pinedo eta Arantxa Urkaregi EH Bilduren ordezkariek ohartarazi dutenez, euskal kutxak fundazio bihurtuz gero, "kontrol publiko soziala" desagertu egingo da.
Ruiz de Pinedok eta Urkaregik prentsaurreko batean egin dute salaketa eta, halaber, iragarri dutenez, bihar, astelehena, egitekoa den BBK eta Vitalen batzordeetan, banku-fundazio bihurtzeko prozesua bertan behera geratzeko eskatuko dute, alternatibak proposatzeko aukera izateko.
EH Bilduk Vital eta BBK kutxetan dituen ordezkarien esanetan, bihar bozkatuko dituzten estatutuetan ez dago aurreikusita fundazio bihurtuko diren Patronatuen kontrol soziala.
"Horrela -kritikatu du Ruiz de Pinedok- kutxen, euren 80.000 milioi euroen, eta inbertitzeko orduan hartzen diren erabakien eta Kutxabaken Batzordearen osaketaren kontrol soziala 15 pertsonaren (BBKaren, Vitalaren eta Kutxaren patronatuen kide kopurua) eskuetan geratuko da, eta 15 pertsona horiek prozesua babesten duten alderdiek izendatuko dituzte", EAJ, PSE-EE eta PP aipatuta.
"Ez da aholkularien batzorde gehiagorik egingo, ez kontseilariak hautatzeko prozesurik", esan du EH Bilduk Vital kutxan duen aholkulariak.
"Kutxabanken pribatizazio prozesuak -esan dute- bankuaren kontrol publikoaren galera ez ezik, fundazioen kontrol sozialaren galera ere ezkutatzen zuen".
"Horrek kaleratze gehiago ekarriko ditu, diru gutxiago inbertituko da Euskadiko egitura ekonomikoan, gehiago inbertituko da Euskaditik kanpoko enpresetan, Espainiako finantza-politika babestuko dute, eta ezarle txikientzako abantaila gutxiago ekarriko du".
"Zergatik horrenbesteko presa -galdegin dute-, fundazio prozesua onartzeko abenduaren 29ra arteko epea badago?".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.