PPk Urkulluri:'Ez zaitez nahastu terrorismoaren gaineko azalpenekin'
Arantza Quiroga Euskadiko PPren presidenteak esan duenez, "erailketak uzten duen hutsune handia da terrorismoaren ondorioa, ez dago beste azalpenik", hori dela eta, Iñigo Urkulluri azalpena "ez bilatzeko, eta horrekin ez nahasteko" eskatu dio.
Ermuan, Miguel Angel Blanco PPko zinegotzia hil zutela 17 urte bete direla gogoratzeko egindako ekitaldian, PPren presidenteak salatu du, halaber,
"batzuek Euskal Herriaren historiaren ustelkeria politikoarekin, sozialarekin eta moralarekin salerosketa politikoa" egin nahi izatea.
Presoak "ez dira ezinbestekoak Euskadin garai berri bat sendotzeko", esan du. Gainera, azpimarratu duenez, ez die utziko zenbait politikari eta iritzi emaileei "PPren gizon eta emakumeek merezi duten errespetua, historia eta izen ona zikintzen".
Ekitaldian, Carlos Urquijo Gobernu zentralak Euskadin duen ordezkaria; Alfonso Alonso PPren Kongresuko bozeramalea, eta Belaunaldi Berrien hainbat ordezkari izan dira. Gainera, Mari Mar Blanco Miguel Angel Blancoren arreba eta Terrorismoaren Biktimen Fundazioaren presidenteak hitza hartu du, eta PPri eskerrak eman dizkio "tinko eta irmo mantentzeagatik, eta espetxe-politika ez aldatzeagatik".
"Presoek ez gaituzte kezkatzen, ETAren arazoa dira... eta espero dut azken egunera arte betetzea euren zigorrak", esan du.
Zure interesekoa izan daiteke
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.