Jaizkibel Konpainiak Urkulluri eskaini dio alardean banderadun izatea
17 urte beteko ditu aurten Jaizkibel Konpainiak, Alardean berdintasuna aldarrikatzen duen konpainiak, alegia. Hori dela eta, Jaizkibel Konpainiak erakunde batzuei esker ona adierazi nahi izan die, besteak beste, Eusko Jaurlaritzari eta Gipuzkoako Diputazioari. "Gustatuko litzaiguke zerrenda labur horretan udalaren izena gehitzea baina, zoritxarrez, udalak nahiago izan du alardea pribatizatu berdintasunaren alde egin baino", adierazi du konpainiak agiri batean.
Hori dela eta, Iñigo Urkullu lehendakariari eskaini dio aurtengo Alardean konpainiaren bandera eramateko aukera. "Jakin badakigu lehendakaria lanpetua egongo dela, baina agian Kultur eta Hezkuntza sailburua den Cristina Uriarte hondarribiarra prest egongo litzateke gure bandera eramateko, Alarde pribatuaren jabe den fundazioari bere babesa publikoki eskaini ondoren", gaineratu du konpainiak.
"Kulturaren arduradun den aldetik, agian ez dio inork esan berak babestu duen fundazioak ez zuela Eusko Jaurlaritzarengandik legeztapena lortu, hain zuzen gure agintarien ustetan fundazio horren helburua berdintasunari kontra egitea zelako. Nafarroara jo behar izan zuen Alarde Fundazioak hemen ukatu zioten legeztatzearen bila" esan du tonu ironikoan Jaizkibel konpainiak.
Amaitu du esanez "ea guztion artean askorentzat plastiko beltzen hiria den hau berdintasunaren hiria bilakatzen dugun".
Aratekoak errespetua eskatu du
Iñigo Lamarka Arartekoak Irungo eta Hondarribiako alarde mistoak errespetatzeko deia egin du, emakumeek eta gizonek “berdintasunean” alardean parte har dezaten. Hori dela eta, bi herrietako alkateei babesa eskatu die.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.