Rajoyren erreformei esker egoerak hobera egin duela esan du Merkelek
Rajoyren Gobernuak martxan jarritako erreforma "zail eta gogorrei" esker Espainiako egoera ekonomikoak hobera egin duela goraipatu du gaur Angela Merkel Alemaniako kantzilerrak.
Rajoyrekin Santiagon bilera egin ondoren agintari biek egin duten agerraldian, PPren Gobernuak "Espainiako etorkizuneko oparotasunaren oinarriak" jarri egin dituela azpimarratu du Merkelek.
Rajoyk ere egindako erreformen emaitzak ikusten hasiak direla esan du. Horietatik asko Alemaniarekin "elkarlanean" martxan jarri dituztela ere gogoratu du Espainiako presidenteak.
Merkelek azken lau hiruhilekoetan Espainiak izan dituen "emaitza onak" nabarmendu ditu eta, norabide horretan, Espainiari lagundu egingo diola berretsi du.
"Azken lau hiruhilekoetan hazkundea izan da Espainian, Mariano Rajoyren Gobernuak aurrera ateratako erreforma zail eta gogorrei esker", esan du.
Bestalde, azken hiruhilekoan Alemaniako BPGk izan duen jaitsierari garrantzia kendu dio Merikelek. Egutegiaren arrazoiak eta nazioarteko gatazka ezberdinei egotzi die, eta 2014. urtean emaitza "onak" izango dituztela aurreikusi du Alemaniako agintariak.
Alemaniak De Guindosen hautagaitza babestuko du
Bestalde, Alemaniak Luis de Guindosen hautagaitza babestu egingo duela iragarri du Angela Merkelek, eurotaldeko hurrengo presidentea izateko. Merkelen hitzetan, De Guindos "Ekonomia ministro bikaina" izan da "garai zailetan".
Ekonomiako arduradunaren trebakuntza goraipatu du Rajoyk eta, bestalde, Jean Claude Juncker Europar Batzordeko presidenteari Miguel Arias Cañete komisario izateko proposamena igorri diola gogoratu du.
Protestak kanpoaldean
Angela Merkelek Santiagora egin duen bisitak eta Europar Batasunean egindako murrizketek eragindako protestan zauritu ugari izan dira, Poliziaren oldarraldi batean, manifestariak Quintanatik Obradoiro Plazara sartzen saiatu eta gero.
Horrela, Polizia Nazionaleko agenteek martxaren aurreko manifestarien kontra egin du, tartean Ruben Cela Santiagoko BNGren bozeramalea zegoen, eta zenbait kazetari ere estutu dituzte istiluak iraun duen bitartean.
Liskarrak CIG eta beste kolektibo batzuek deitutako martxarekin bat egiteko asmoz emigrante talde bat Praza da Quintanara sartzen saiatu denean hasi dira. Horren ondorioz, manifestatzen ari zirenek beste protestariekin elkartzea erabaki dute eta Obradoirorantz abiatu dira.
Donejakue bidea eta Katedrala
Merkel atzo iritsi zen Galiziara eta, Rajoyrekin batera, Donejakue bideko bost kilometroko ibilbidea oinez egin zuten, alboan itzultzaile bana zutela, eta lagun arteko giroan.
Merkelek Obradoiro plazan lo egin du, eta bertara dozenaka herritar joan dira, Alemaniako kantzilerra ikustera. Protestak ere izan dira Merkel bertara iritsi denean.
Afaltzera ere elkarrekin joan ziren Rajoy eta Merkel, eta gaur goizean bilera egin eta prentsaurrekoa eskaini ondoren, Santiagoko katedrala ere bisitatuko dute agintari biek.
Espainiaren eta Alemaniaren arteko harreman politikoak onak dira gaur egun eta Merkelek eredu gisa jarri nahi du Espainia, Troikaren aginduak zintzo bete dituelako ekonomiaren atzeralditik irtetzen saiatzeko.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.