Bilbao, 2015eko aurrekontuak adosteko 'behar den guztia' egiteko prest
Jose Luis Bilbao Bizkaiko ahaldun nagusiak baieztatu duenez, Bizkaiko Foru Aldundia "ez dago hauteskunde-kanpainan, ezta hauteskundeetara begira ere", eta "behar den guztia" egiteko prest dago 2015eko Aurrekontuak "onartzea ekarriko duen negoziazio prozesu zabal eta zintzoa" hasteko.
Bizkaiko Batzar Nagusietan egindako hitzaldian, Gernikako Batzar Etxean, Bilbaok bere taldeak aurreko legaldian egindako kudeaketa aztertu du, Bizkaiko etorkizuneko erronkak zeintzuk izango diren azaldu aurretik.
Bizkaiko Foru Aldundia "ez dago hauteskunde-kanpainan, ezta hauteskundeetara begira ere", eta, gaineratu duenez, "gure gobernuaren ekintzak herritarrekin hartutako konpromisoak betetzeko helburua lortzeko bideratuko ditugu, gure agintaldia ahalik eta dignitate handienarekin bukatzeko asmoz".
Hori dela eta, "urrian Finantzen Euskal Kontseiluan 2014ko jarduera ixtea eta aurrekontuak bideratzen lagunduko duen aurreikuspena" egitea dira "gure lehentasunak", Bilbaoren esanetan. Gainera, "Bizkaiko Lurralde Historikoko 2015eko Aurrekontu Orokorraren proiektua" aurkeztea ere lehenetsiko dutela esan du.
Era berean, "aipatutako Aurrekontuak onartzeko akordioa lortzeko negoziazio prozesu zabal eta zintzoa" abiaraziko dute, horren hitzetan. "Edozer gauza egiteko prest gaude helburua lortzeko", zehaztu du.
Bilbaoren iritzian, "Bizkaiak, aurrekontuak akordio zabal batekin onartuta izanda, hauteskunde-prozesuari ekin ahal izatea merezi du". "Helburu hori lotu nahi duten guztiei luzatu diegu gure eskua, bazterketarik gabe".
Bizkaiaren erronkak
Foru Aldundiak dituen lehentasunak banan-banan aletu ditu Jose Luis Bilbaok. Enplegua hizpide, "Edesa berriz zabaltzeko saiakerak egin behar ditugu, langileen laguntzarekin eta industria plan serio eta sendo batekin", nabarmendu du. "Ez da gauza bera termoak Basaurin edo beste leku batean egitea, Bizkaiko ahaldun nagusiarentzat behintzat ez da gauza bera", azpimarratu du.
Enpleguaren Aparteko Funtsera beste 3 milioi euro bideratuko dituzte, Bilbaoren esanetan. Horrez gain, Bilbon, Busturialdean eta Ezkerraldean eskualde mailako hiru plan jarriko dituzte martxan, 1.000 lanpostu sortzeko asmoz. Azaroan, Prestik Gazteen Enplegurako Azoka egingo dute, BECen.
Fiskalitatearen kontura, iruzurgileen kontra gogor jardungo dutela nabarmen du Bilbaok: "Berdin dio zer izen duen, noren senitarteko edo laguna den", agertu du.
Funtzio publikoari dagokionez, "2012ko aparteko soldata ordaintzeko asmoa" du Foru Aldundiak, eta "2014an erosteko ahalmenak izandako galera errekuperatzekoa".
Sustapen ekonomikoaren atalean, Gernikako Elkartegia eraikitzen hasiko direla iragarri du Bilbaok. Aeronautika sektorean ere goi-mailako zentro bat jarriko dute martxan, Jaurlaritzaren laguntzarekin.
Kultura alorrean, Bermeoko Arrantzaleen Museo berritua zabalduko dutela agertu du ahaldun nagusiak. Horrez gain, Bizkaiko Aldundiak Durangoko Azokan "modu aktiboan" parte hartuko duela nabarmendu du. Azkenik, Resurreccion Maria de Azkueren funtsa digitalizatua Interneten eskegitzea eta Bilboko Guggenheim Museoak New Yorkeko museoarekin duen kolaborazio hitzarmena berritzeko asmoa du Aldundiak.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.