Milaka lagun, Konstituzionalaren erabakiaren aurkako protestetan
Milaka pertsona bildu dira gaur arratsaldean Kataluniako udaletxeen aurrean Auzitegi Konstituzionalak kontsulten legea eta azaroaren 9rako kontsulta deialdia bertan behera utzi izanaren kontra.
Bartzelonako Sant Jaume plazan 5.000 pertsona inguru elkartu dira, Udaltzaingoaren arabera, eta oihuka "bozkatu egin nahi dugu" esaten zuten bitartean, Konstituzionalaren erabakia salatu dute, herrialdeko beste hainbat udalerritan bezalaxe.
Kontzentrazioa euripean izan da, eta CiUko, ERCko, ICV-EUiAko eta CUPeko kideak eta independentziaren aldeko kanpaina egin dutenak bildu ditu.
Besteak beste, hauek izan dira bertan: Oriol Junqueras ERCren buruzagia, Josep Rull CDCren koordinatzaile nagusia, Joan Josep Nuet EUiAren koordinatzaile nagusia, Antoni Castella UDCren buruzagi eta Generalitateko unibertsitateen idazkaria, Joan Herrera ICVren koordinatzailea eta Quim Arrufat CUPen diputatua.
Carme Forcadell ANCko presidenteak manifestu bat irakurri du. Bozkatzea demokrazia dela aldarrikatu du Forcadellek: "Azaroaren 9an bozkatu eta irabazi egingo dugu".
Horregatik, Forcadellek Kataluniako Gobernuari babesa eman dio kontsulta egiteko, "gehiengoak bozkatu nahi duelako". Gainera, Kataluniako ia udal guztiek kontsultari babesa eman diotela gogorarazi du ANCko presidenteak.
Bestalde, azaroaren 9an kontsulta egingo dela errepikatu du Muriel Casals Omnium Culturaleko presidenteak: "Bozkatzera joango gara".
Argazkia: EFE
Katalunia osoan
Era berean, 4.000 pertsona inguru elkartu omen dira Gironako udaletxearen aurrean, eta lurralde horretako herri ugaritan ikusi dira antzeko irudiak.
Tarragonako udaletxearen parean ere beste hainbeste lagun elkartu dira, 4.000 inguru, eta Lleidan, 3.000 gutxienez.
Protesta horietan guztietan, kontsultaren eta independentziaren aldeko aldarriak entzun dira.
Kanpaldia Gobernuko Ordezkaritzaren aurrean
Bestalde, Gobernuko Ordezkaritzaren aurrean, Bartzelonan, ehunka pertsona kanpaldia egiten saiatu dira. Esquadra Mossoek kanpadendak kendu dituzte. Bartzelonako CUPek deitu du protesta, sare sozialen bidez.
Mossoen 20 bat furgonetak hesi bat egin dute Espainiako Gobernuko Ordezkaritzaren aurrean, lekukoen arabera.
Kanpaldia desegiten hasi direnean, manifestariekin tirabira txikiren bat izan dute mossoek. Nahiz eta kanpaldia desegin, manifestariak inguruan geratu dira, protestan.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.