Murrizketa sozialik egingo ez duela 'bermatu' dio Urkulluk EH Bilduri
Iñigo Urkullu lehendakariak hurrengo urteko Aurrekontuetan murrizketa sozialik egingo ez duela "bermatu" dio EH Bilduri. Horrenbestez, koalizio abertzaleak Aurrekontuak babesteko jarritako baldintza hori bada, akordioa lortzeko "arazorik" izango ez dutela iritzi dio.
"EH Bilduk bere burua eskaini du Aurrekontuak onartzeko, baldintza batekin: murrizketa sozialik ez egitea; guk bermatu egiten diegu hori EH Bilduri eta gainerako alderdiei ere, eta Aurrekontu hauek gizarte politikak izango dituztela oinarri. Gizarte politika bada baldintza, argi esan behar dut eutsi egingo diegula gizarte politikei", adierazi du Urkulluk, "Faktoria" Euskadi Irratiko saioan egindako elkarrizketa batean.
Nolanahi ere, lehendakaria zuhur agertu da, koalizio abertzaleak "baldintza gehiago" jarriko dituela uste baitu.
Urkulluren esanetan, Aurrekontuen negoziazioan PSE-EEk izango du "lehentasuna", alderdi horrekin egonkortasun ituna sinatuta dutelako, baina Jaurlaritza gainerako alderdiekin ere akordioak lortzeko "irekita" dagoela aurreratu du.
"Denbora agortzen ari da"
Bestalde, Urkulluk abenduaren 31a arteko epea jarri dio Mariano Rajoy Espainiako Gobernuko presidenteari hainbat alorretan akordioak lortzeko, eta kupoa, eskuduntzen transferentzia, Forondako aireportua eta Abiadura Handiko Trena aipatu ditu horren adibide.
Urkulluk denbora "agortzen" ari dela ohartarazi dio Rajoyri, eta, 2015. urtean, foru eta udal hauteskundeak ez ezik, Espainiako hauteskunde orokorrak ere egingo dituztela gogorarazi du.
"Rajoy eta biok ondo konpontzen garela esaten dute hedabideetan, baina niri ere ari zait denbora agortzen", gaineratu du.
PPren egoitzaren kasua
Pablo Ruz Auzitegi Nazionaleko epaileak PPri Bizkaiko egoitza diru beltzarekin ordaindu izana egotzi diola eta, lehendakariak auzia "susmagarria" dela esan du.
"Ulertzen dut PPk esandakoa, baina urtebeteren bueltan epaileak kontu horrekin jarraitzeak susmagarri egiten du dena", agertu du lehendakariak.
Horren ildotik, udan PPk EAJren batzokien finantziazioa "inolako daturik izan gabe" zalantzan jarri zuela gogorarazi dio Arantza Quiroga EAEko popularren presidenteari.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.