EAJrekin akordioak lortzea 'posible' dela uste du Arraizek
Hasier Arraiz EH Bilduko legebiltzarkideak EAJrekin akordioak lortzea "posible" dela adierazi du, Iñigo Urkullu lehendakariarekin bi orduz batzartu eta gero.
"Jarrera desberdina dagoela atzeman dugu; ez dakit akordiorik gauzatuko den epe laburrean, baina egia da jarrera desberdina dagoela eta posible dela epe zehatz batean akordioak egiten hastea", nabarmendu du Arraizek, prentsaurrekoan.
"Gauzak aldatzen ari dira", berretsi du buruzagi abertzaleak, eta EAJrekin eta Eusko Jaurlaritzarekin "aro berria" hasteko unea dela uste dutela gaineratu du.
EH Bilduk erabakitzeko eskubidearen, ekonomiaren eta bakegintzaren arloetan akordioak adostea eskaini dio lehendakariari, eta hark "jarrera irekia" agertu duela azaldu du legebiltzarkide abertzaleak.
Lehendakaria Eusko Legebiltzarrean ordezkaritza duten alderdiekin asteazkenean abiatutako bilera-sortaren baitan batzartu da gaur EH Bilduko kidearekin, hain zuzen ere. Asteazkenean Idoia Mendia PSE-EEko idazkari nagusiarekin egin zuen; etzi Arantza Quiroga EAEko PPko presidentearekin egingo du; eta, hilaren 15ean, berriz, Gorka Maneiro UPyDko legebiltzarkidearekin. Helburua, besteak beste, hurrengo urteko Aurrekontuak adostea da.
Gaurko bileraren ostean, Sortuko presidentea 2015. urteko Aurrekontuak adosteko prest agertu da, bi alderdien eredu ekonomikoak "ezberdinak" direla aitortu badu ere. "Albo batera utzi dugu gure eredu ekonomikoaren defentsa, murrizketa sozialak galarazteko akordioak lortzeko", zehaztu du.
Horren esanetan, "diru-sarrerak handiagoak izan beharko liratekeela uste dugu, zerga politika aldatu egin behar baitugu, baina badakigu horrek zaildu egingo lukeela [EAJrekin] akordioa lortzea; horrenbestez, murrizketa sozialik ez egitea izango da gure lehentasuna".
Nolanahi ere, Jaurlaritzak Aurrekontuak PSE-EErekin hitzartuko dituela uste du Arraizek, EAJrentzat "erosoena" hori dela iritzita.
Bestalde, Arraizek "agenda demokratikoa" adostea eskaini dio Urkulluri, erabakitzeko eskubidea gauzatzeko, eta Eusko Jaurlaritzak Kataluniako erakundeen aldeko jarrera "zehatza" agertu ez izana kritikatu du.
Horren ildotik, buruzagi abertzalearen ustez, "kezkagarria" da Gasteizko Exekutiboaren jarrera, eta Espainiako Gobernuak "adibide gisa" jarri izana deitoratu du. "Hori ez da norabide ona, Kataluniari erabakitzeko eskubidea ukatzea euskal herritarrei ere ukatzea baita", argudiatu du.
Bake eta bizikidetza arloan, EH Bildu beste txosten bat negoziatzeko prest dagoela esan du Arraizek, Eusko Legebiltzarreko lantaldea berriz martxan jartzeko. PSE-EEk, PPk eta UPyDk uko egin zioten batzorde horretan parte hartzeari, EH Bilduk iraganaren azterketa kritikoa egin arte.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.