Kontsultaren aldeko kanpaina hasi da, beste helegite baten mehatxupean
Artur Masen Gobernua azaroaren 9ko galdeketa aurrera ateratzeko lanetan murgilduta dago, Mariano Rajoyren Gobernuak prozesua berriro auzitara eramatea aztertzen ari dela iragarri duen arren.
Convergència Democràtica de Catalunya (CDC) alderdiak gauean kanpainako lehen ekitaldia egin du. 22:00etan abiatu dute, ohiko hauteskunde-kanpainetan bezala, kartelak jarriz. Azaroaren 9ko galdeketan 'bai-bai' erantzunaren alde egingo dute (Kataluniako independentziari buruzko bi galdera egingo dira).
Lehen ekitaldi horretan izan direnen artean, Marta Pascal JNCko presidentea, Josep Rull CDCko koordinatzaile nagusia eta, Andorran eta Suitzan dirua ezkutatuta duelakoan, azken egunotan polemikaren erdigunean dagoen Xavier Trias Bartzelonako alkatea daude.
Estatuko “estolden” joko zikina
Estatuko “estolden” joko zikinak azaroaren 9ko bozketa geldiaraziko ez duela ohartarazi du Triasek kanpainaren hasieran. Horretarako, kataluniarrak ziur eta indartsu jokatu behar dutela erantsi du.
“Jende horrek markatzen digun egoera ez dugu jasaten. Joko zikinarekin inora ez goazela ulertu behar dute, eta alboan nahi bagaituzte jarrera eta ekiteko modua aldatu beharko dituzte”, adierazi du 250 pertsonen aurrean, CDCren ekitaldian.
Kataluniarrei kalte egitea bilatzen ari direla ohartarazi du alkateak: “Estoldetan mugitzen den jendea dago, eta politikan guztia balio duela uste dute, eta politikan guztiak ez du balio”.
Hala ere, zikin jokatzen jarraituko dutela iragarri du Triasek. Horregatik, “baturik jarraitu, indarra izan eta azaroaren 9an bozkatuko dela azaldu behar dugu”, gaineratu du.
Boluntarioak
Bestalde, atzo jakinarazi zutenez, 40.930 herritarrek eman dute izena kanpaina bera eta A9ko prozesua antolatzen laguntzeko; Artur Masen Gobernuak aurreikusitakoaren bikoitza. Gehienak (38.706) Internet bidez erregistratu dira. Hautetsontziak jarriko diren zentroetan, 4.000 lagunek baino gehiagok hartuko dute parte. Generalitatearen lurralde ordezkaritzetan, berriz, ia 700 pertsonak eman dute izena. Boluntario horiek guztiek azaroaren 9an izango duten zeregina zehazten ari dira antolatzaileak.
Espainiako Gobernuak berriro prozesua auzitara eramateko aukera handia dagoela jakin badakien arren, azaroaren 9ko prozesu parte-hartzaileari eutsi egingo diola iragarri du Kataluniako Gobernuak. "Egingo ez dena ezin da debekatu", esan zuen atzo Francesc Homs Generalitateko ordezkariak. "Nola ez dugu, bada, egingo? Hautetsontziak egongo dira, bai horixe", erantzun zien atzo galdeketari eutsiko dioten galdetu ziotenei.
Horiek horrela, Kataluniako prozesua bere osotasunean auzibidean jartzeko txostena prestatzen ari dela iragarri du Espainiako Gobernuak.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.