A9ko kontsultaren kontrako helegitea babestu du Estatu Kontseiluak
Estatu Kontseiluaren Batzorde Iraunkorrak aho batez babestu du Espainiako Gobernuak azaroaren 9ko Kataluniako kontsulta berriaren kontrako helegitea aurkeztea, erakundeko iturriek jakinarazi dutenez.
Rajoyren gobernuak txostena egiteko eskatu zion kontsulta-batzorde gorenari, eta honek inpugnazioaren aldeko iritzia emanda, kontsulta baliogabetzeko eskaera egitea aztertzen ari da orain Espainiako Exekutiboa. Izan ere, auzitara jotzeko nahitaezko pausoa da txosten hori eskatzea.
Hori horrela, txostena mahai gainean dutela eta ezusterik ez bada, ostiral honetan onartuko dute Ministroen Kontseiluan Katalunian azaroaren 9an egin nahi duten kontsulta alternatiboaren kontrako helegitea aurkeztea Auzitegi Konstituzionalean.
"Herritarren parte-hartze prozesua deitutakoaren bidez, azaroaren 9an Kataluniako etorkizun politikoari buruz euren iritzia eman dezaten katalanei eta Katalunian bizi direnei egindako deialdia"ren inguruko txostena lehenbailehen egiteko eskatu zion astelehenean Estatu Kontseiluari Espainiako Gobernuak.
Txostena Estatu Kontseiluaren Lehen Sekzioak idatzi du, Kataluniako Kontsulten Legea eta azaroaren 9ko erreferendumaren deialdi dekretua behin-behinean baliogabe utzi zuen berberak, alegia.
Erabakiak ez du Mas ezustean harrapatu
Estatu Kontseiluaren erabakiarekin “guztia, harrituta izan ezik” dagoela adierazi du Artur Mas Generalitateko presidenteak, baina kontsulta berriarekin aurrera jarraituko dutela ohartarazi du, Gobernuak aurkeztu beharreko helegitearen eta haren argudioen zain.
Azaroaren 9ko prozesuak “aurrera” jarraitzen duela esan du Masek Kataluniako Parlamentuko pasilloetan. Bestalde, prozesua gauzatzeko ia dena prest dagoela ziurtatu du agintariak.
“Legea obeditzea” espero du Rajoyk
Bestalde, Ministroen Kontseiluak kontsulta berriaren aurkako helegitea Auzitegi Konstituzionalean aurkeztu ala ez ostiralean erabakiko duela baieztatu du Mariano Rajoy Gobernuko presidenteak. Artur Masen Exekutiboak etorkizunean “legea obeditzea” espero duela erantsi du Rajoyk.
Gertakaririk ez aurreratzea eskatu du presidenteak. “Lehenik eta behin, helegitea adostu behar dugu, gero Auzitegi Konstituzionalari itxaron behar diogu eta ondoren erantzuna ikusi; lege demokratikoa obeditzea espero dut”, azaldu du.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.