Iritsi da eguna
Goizeko 8:45etarako joan gara, gaur botoa eman daitekeen eskola batera. Izan ere, hauteskunde prozesu arrunt batean ez bezala, gaur eskola guztiak ez daude zabalik. Iritsi garenerako, jendea ilaran zegoen botoa emateko prest. Ordua baino apur bat lehenago sartu gara gu. Bertako boluntarioekin hitz egiteko aukera izan dugu. 30 boluntario hamar mahaietarako, eta boluntario laguntzaileak. Eta ondoren, boluntario lana egiteko prest agertu zaizkienak... kafeak eskuan zituztela eguna goizean goizetik jarraitzeko prest.
Barruan aurkitu duguna; ordena eta antolaketa. Hauteskunde arruntetan bezala, norbera bizi den kalearen eta abizenaren araberako antolaketa.
Jendea pozik, urduri, hasteko irrikan.
Bederatzietarako bi minutu, eta ezin eutsi atea zabaltzeko gogoari; eta ate aurrean gero eta jende gehiago. Boto paperak, sobreak, behar den guztia prest.
Iritsi dira bederatziak. Zabaldu dute atea. Edadeko gizon bat izan da lehena. Txalo zaparrada ezer baino lehen! Txaloak, jendea hunkituta eta malkoak ere bai. Dena txalo artean!
Ondoren, berriz lasaitasuna eta etengabe jendea. Eta kalean, ilara luzeak.
Kontua izan behar diren aldagarri zenbait bada, ordea, gaurkoan, beste edozein hauteskunde prozesuren aldean. Batetik, botoa emateko hautesleku gutxiago daudela. Bestetik, jende gehiagok duela botoa emateko aukera: hamasei urtetik gorakoek eta 800.000 atzerritarrek.
Edozein kasutan, guk ikusi dugun irudia bere etorkizuna erabaki nahi duen gizon-emakumeena izan da.
Botoa eman dutenean, kalera irten eta beste ilara luze bat egin dute. Espainiako Gobernuaren jarrera salatzeko, ukatu egiten duela Kataluniako herriak bere etorkizuna erabakitzeko duen eskubidea. Botoa emateko beste jende zegoen, luzea ilara. Amaitu egin dira paperak eta jendea zain geratu da, mugitu gabe. Hori ere esanguratsua iruditu zaigu.
Mossoak, batera eta bestera, Juan Carlos Etxeberria lankideari kontatu diote Barçaren partidua balego bezala daudela, badutela zabalik dauden boto-guneen zerrenda bat, baina besterik ez. Eta galdera bat ere bazuten; ea norbaitek pentsatu al duen non eta noiz emango duten botoa beraiek. 10.000 bat dira.
Momentuz, horrela doa eguna Berlingo Harresia jausi zeneko 25. urteurren honetan. Kataluniako herritarrak beste harresi bat ari dira apurtzen.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.