Lopezen iritziz, autogobernuari buruzko ituna lortzeko garaia heldu da
Patxi Lopez lehendakari eta PSOEko Ekintza Politikorako idazkariaren iritziz, heldu da autogobernuari buruzko "itun berria" lortzeko garaia. Horren iritziz, akordioak ezberdinen artekoa izan beharko luke; ezberdinen artean "berdintasun gehiago" ekarriko duena, baina "uniformetasun" gisa ulertu behar ez dena.
Ildo horretan, Euskal Autonomia Erkidegoko egitura instituzionala aldatzearen alde mintzatu da, bereziki Lurralde Historikoen Legea erreformatzearen alde; izan ere, egungo diseinuak "Euskadi fakzioen erreinutan banatzen du" eta kostuak bikoizten edo hirukoizten ditu.
Lopezek Eusko Legebiltzarreko autogobernuari buruzko lantaldean parte hartu du gaur eta Espainia federal baten alde mintzatu da, zeinari esker, Estatuak eta autonomia erkidegoek gobernu erantzukizunak partekatuko dituzten.
Azaldu duenez, Gernikako Estatutuan oinarritutako autogobernuaren pasarterik negatiboenetakoa eskumenen transferentzia gauzatzeko "gehiegizko atzerapena" izan da.
PSOEko kidearen iritziz, "hori izan da akatsik garrantzitsuena", ondoeza eta mesfidantza eragin duelako eta, gainera, alderdi nazionalisten artean "biktimismoa" sortu duelako. "Etorkizunean Estatutuan aldaketaren bat egingo bagenu eta eskumenak aldatuko balira, horiek guztiak lehenbailehen ezartzeko ahalegin handia egin beharko genuke", azpimarratu du.
Askok euskal autogobernuaren "inbidia" dutela adierazi du, eredu hori beraientzat nahi dutelako, eta, horregatik, ez debaluatzeko eskatu die EAEko herritarrei.
Euskal autogobernuaren ahulgunetako bat mugak zehazterakoan izandako "anbiguotasunak" izan direla azpimarratu du, eta, horregatik, eredu federalaren aldeko apustua egin du; bertan, administrazio zentralaren eskumenak zehaztuko lirateke eta, gainerakoak, autonomia erkidegoenak izango lirateke.
zango lirateke.Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, zentsura mozioa
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.