Barcenas, espetxetik at: 'Kasu egin diot Rajoyri, indartsua izan naiz'
Luis Barcenas Alderdi Popularreko diruzain ohia Madrilgo Soto del Real espetxetik atera da, epaileari bermepean libre atera ahal izateko eskatu zizkion 200.000 euroak ordainduta.
Javier Gomez de Liaño Barcenasen abokatua eguerdiko 12:00etan iritsi da Auzitegi Nazionalera, Barcenasen bederatzi senidek egin duten diru-bilketaren egiaztagiriak eramatera.
Orduan, Ruz epaileak Barcenas espetxetik ateratzeko agindua eman du, fidantza ordaindu duela egiaztatu ondoren.
Barcenas 21:50 aldera atera da Madrilgo espetxetik. Guillermo semeak lagundu du. Semea 19:00ak aldera itzuli da kartzelara, eguerdian ia bi ordu aitaren zain eman eta gero.
Barcenas: ?Ez dut inorentzako mezurik?
?Mariano Rajoyrentzat ez dut inolako mezurik, nik jaramon egin diot eta eskerrak eman nahi dizkiot: Luis, benetan, indartsua izan da. Jaramon egin diot eta sendoa izan naiz?, adierazi du Barcenasek espetxetik ateratzean.
Bere alderdiarentzako mezurik ez duela errepikatu du PPko altxorzain ohiak: ?PPk ez du zertan beldurrik izan behar, ez du une honetan ikaratzeko arrazoirik?.
?Ez dut inorentzako mezurik, hasteko ez dut telefono mugikorrik, eta hemen galdu dudan urte eta erdia berreskuratu nahi dut orain?, adierazi du Barcenasek.
?Beste gauza bat da, nik uste bezala jokatu ez duten pertsonekin nik desadostasunak izatea?, zehaztu du. ?Erantzukizunak guztiek gure gain hartu behar ditugu; nik beti egin bezala nire gain zati bat hartuko dut?, erantsi du.
Ustelkeriaren aurkako Fiskaltzaren eta Estatuko Abokatutzaren azken idazkiak hizpide izan ditu Barcenasek: ?B kontabilitatea izan dela frogatuta dago, nik hasieratik esan nuen?. ?Kontabilitate paralelo horren arduradunak? bera eta Lapuerta zirela ?egia? dela gaineratu du.
Espetxean sartu baino lehen egindako guztiagatik ?damurik ez" duela esan du Barcenasek. Horrela, ?jokabide berdina? izango lukeela berretsi du; izan ere, ?bakoitzak hartzen dituen erabakien ondorioak onartu beharra ditu, hanka-sartzeak izan edo denborak hutsegiteak izan direla demostratu?.
Luis Barcenas PPko diruzain ohia eta haren semea, Guillermo. Argazkia: EFE
Kartzelan ?une gogorrik izan ez? dela adierazi du PPko altxorzain ohiak, baina Espetxeetako Erakundeen ?jazarpena? salatu du.
Atzerapena
?Oso ondo? dagoela onartu du PPko diruzain ohiak, eta kartzelatik ateratzeko ?atzerapena? baloratu du. ?Antza denez, espetxeko zuzendariak lan asko izan du?, adierazi du ironiaz, ?eta arratsaldeko bostetatik ezin izan du nire irteera sinatu?.
Ordu batzuk lehenago, espetxetik ateratzeko atzerapena salatu du Javier Gomez de Liaño PPko altxorzain ohiaren abokatuak. Legez kanpoko atxiloketa eta agintaritza judizialari desobedientzia delituak egon daitezkeela aditzera eman du.
?Aske uzteko agindua ematen denean, hiru segundo geroago bete behar dute?, azaldu du Gomez de Liañok. ?Bi edo hiru segundotan?, errepikatu du abokatuak haserre.
Barcenas Auzitegi Nazionalean agertu beharko da ostiral honetan; izan ere, prebentzioko neurriak ezarri zizkioten, iturri juridikoek jakitera eman dutenez.
Luis Barcenas espetxetik ateratzean. Argazkia: EFE
Zure interesekoa izan daiteke
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.