Gorenak Carasatorreren zigorra berretsi du, Loiolako atentatuagatik

Auzitegi Gorenak Juan Ramon Carasatorren ETAko kideari Auzitegi Nazionalak jarritako sei urteko kartzela-zigorra berretsi du, Armada espainiarrak Donostiako Loiola auzoan duen kuartelaren kontra tiro egiteagatik (ez zen zauriturik izan).

Carasatorrek ANren epaia baliogabetzeko eskatu zion Gorenari, 1973ko Zigor Kodea aplikatu behar izan ziotela argudiatuta (zigorrak zenbatzeko beste modu bat ezartzen duelako), baina Auzitegi Gorenak argudioak ukatu ditu eta 1995ko araudia aplikatu behar zaiola berretsi egin du.

Horrela, Carasatorre Gregorio Ordoñez PPren zinegotzia 1995ean hiltzeagatik ere aspaldi zigortu zuten eta, orain, atentatu delitu bati dagokion zigorra jaso du.

Hori dela eta, delitu hori egitea probatutzat eman dutenez, sei urteko espetxe-zigorra berretsi diote, eta beste hilabete erabilitako autoa lapurtzeagatik, hau da, Donosti Komandoko beste bi kiderekin batera kuarteleraino joateko erabili zuten ibilgailua.

Auzitegi Nazionaleko Zigor Aretoko bigarren sekzioaren arabera, aipatutako taldeko beste bi kiderekin Lurreko Armadaren eraikinari eraso egiteko. Beste bi kideak ere, Valentin Lasarte eta Javier Garcia Gaztelu (Txapote), zigortuta daude atentatu horregatik.