PP ez dela EAJren makulua izango esan du Quirogak
Arantza Quiroga Euskadiko popularren presidenteak adierazi du PP ez dela EAJren makulua izango eta jeltzaleei esan die, ustez, EAJrekin loturiko ustelkeria kasuen aurrean ez duela beste aldera begiratuko.
"Arrakastaren gakoa" gauza guztien gainetik herritarren borondatea jartzea dela azpimarratu du eta horren adibide jarri ditu Javier Maroto Gasteizko alkatea eta Javier de Andres Arabako ahaldun nagusia.
Europa Press albiste agentziari eskainitako elkarrizketan, Quirogak azaldu du Alderdi Popularrak ez duela PSE-EEk orain duen tokia hartzeko asmorik. "Ez dut EAJren makulua izan nahi, aurrera eraman dezakegun proiektu bat izan nahi dut, posizionamendu klasikoen gainetik egongo dena eta helburu bakarra herritarrei zerbitzua ematea izango duena", gaineratu du.
Ildo horretan, esan du ez dituela "hiruzpalau pertsona ipini nahi han edo hemen EAJri botoak emateko edota eskandalagarriak diren hainbat ustelkeria kasuen aurrean beste aldera begiratzeko, hori guztiarekin hainbat postu aterako dituelakoan".
"Hori ez da PPk jokatu behar duen rola, izan ere, guk EAJren alternatiba izango den aukera modernoa izan nahi dugu. Horretarako ibilbide bat egin eta esandakoa ekintzen bidez frogatu behar dugu. Eta hori erakusteko dugun lehen modua proposatzen ari garen hautagaien zerrenda da. Badakigu ez direla PPren garai zailenetan izan genituen gisako hautagaiak, baina orain beste garai bat dela uste dugu", azaldu du.
PPko buruzagiaren esanetan, hautagaiek badakite Euskadirekin ibilbide luzeko konpromisoa duen sigla batzuk ordezkatzen dituztela eta horiei eutsi behar dietela.
Quirogaren arabera, hautagai popularrak "oso kalekoak dira" eta horiek gertutasuna eskaintzen dute. "Alderdikeriaren gainetik dauden hautagaiak dira, PP markakoak dira, baina gauza guztien gainetik argi dute herritarrak ordezkatzen dituztela. Udalerrietan daudenean, herritarren borondatea zein den kontuan hartu behar dute", gaineratu du.
tu du.
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".