'Autogobernuan aurrera egiteko garaia da', Urkulluren hitzetan
Iñigo Urkullu lehendakariak adierazi duenez, "autogobernuan aurrera egiteko garaia heldu da, eta huts egin duen autonomia-Estatu batetik estatu plurinazionalek osatutako Europa batera igaro behar dugu".
"Nazio bezala, gure erronka askatasuna izango da, herritar askek osatutako Euskadi askea, hain zuzen ere", esan du. Bestalde, Bakerako Planaren proposamenetan lan egiten jarraituko duela hitzeman du, "oinarri etikoan eta erabat legezkoan oinarrituta".
Aberri Egunaren harian Bilboko Plaza Barrian bildu dira jeltzaleak, 'Herriz Herri, Aberri!' lelopean, eta bertan hitzaldia eskaini du lehendakariak. Urkulluren ustez, aurten krisitik irtetzen hasi da Euskadi, eta 2016an "hazi egingo da" .
Zentzu horretan, Urkulluk azpimarratu duenez, "susperraldiaren oinarrien gainean ezarri dugu eredua". Halaber, datozen foru- eta udal-hauteskundeetan "humanismoan, ahaleginean eta nortasunean oinarritutako EAJren eredua zabaltzearen" alde agertu da, "haren etorkizunaren jabe den Euskadi eraiki ahal izateko".
Urkulluren aburuz, "aldaketa-unea bizi dugu Europan eta Estatuan", eta "autogobernuan aurrera egiteko unea da, huts egin duen autonomia-Estatu batetik estatu plurinazionalek osatutako Europa batera igarotzeko".
Horretarako, "Eusko Jaurlaritza lanean" ari dela iragarri du, "barne akordioa lotzeko, eta estatus politiko berria ituntzeko, gizarteak instituzio-akordioak berretsi ostean, euskal nazioak aitorpena lortu dezan, hazten jarraitzeko". "Hori da gure bide-orria", gaineratu du.
Ortuzarrek, ezker abertzaleari: 'Itxurakeriarik ez'
Bestalde, Andoni Ortuzar EBBko presidenteak ere hitzaldia eskaini du ekitaldi berean, eta "itxurakeriak bertan behera uzteko" eta bake arloan "etxeko lanak egiteko" eskatu dio ezker abertzaleari, "EAJri kalte egiteko asmotan ibili beharrean".
Halaber, Ortuzarrek esan duenez, Mariano Rajoy Gobernuko presidentea ez da krisitik ateratzeko "kapitaina, Pescanovako kapitana, baizik, izoztuta utzi gaituelako".
EAEra itzulita, "Euskadi Europako zeruan izarra" izango dela azpimarratu du Ortuzarrek. Gainera, "bakerako bidean oztopoak ez jartzeko eta euskal herritarrek erabakitzen dutena errespetatzeko" eskatu dio Rajoyri.
Bestalde, ezker abertzaleari gogoratu dio "mahai gainean EAJren proposamen zehatza duela, bakean eta elkarbizitzan aurrera egiteko, etorkizunera begiratzen duen proposamena, alegia".
"Herrialdearen historian kapitulu berria idazteko prest dago EAJ, baina horretarako, aurrekoa ongi itxi behar da. Bakearen luma eta elkarbizitzaren tinta behar dugu", esan du. "Ez dut honi buruz gehiago hitz egingo, ez baitut nahi gehiegi hitz egiteagatik porrot egitea", azaldu du.
Hala ere, "herriarekin" ezin dela jolastu ohartarazi dio ezker abertzaleari. Hori dela eta, "politika horiarekin behin betikoz amaitzeko" eskatu dio, "inoiz baino gehiago helburu-politika behar baitugu".
"Astelehen honetan komunikabideetan argitaratuko dute: 'abertzaleek zatituta ospatu dute Aberri Eguna'. Nola da posible Bildurekin zerbait ospatzea, Gipuzkoako Batzar Nagusietan PPrekin bat egiten badu? Edo PSErekin eta UPyDrekin Eusko Legebiltzarrean? Zertan gara? Kolaborazio abertzalea nahiago dute, ala espainiarrekin EAJren aurka biltzea?", galdetu dio Ortuzarrek bere buruari.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, zentsura mozioa
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.