Arartekoarentzat langile eta bitarteko gehiago eskatu ditu Lamarcak
Iñigo Lamarcak baliabide ekonomiko eta langile gehiago eskatu ditu Arartekoarentzat, karguan egondako hamar urteen balantzea egiteko agerraldian. "Dagozkion zeregin guztiak bete ditzan, beharrezkoa da langile kopurua handitzea", erantsi du.
Lamarcaren eskaera ez dator bat Eusko Legebiltzarrak laster eztabaidatuko duen ekimenarekin. Izan ere, EH Bilduk, PPk eta UPyDk Arartekoaren azpiegitura murriztearen alde agertuko dira aste gutxi barru. EAJk adierazi du hurrengo Arartekoak, Manu Lezertuak, erakunde horren azpiegitura “berrikusi egingo duela”, garai berrietara egokitzeko xedearekin. PSE-EEk, berriz, ez du bere iritzia jakinaraziko Lezertua izendatzen ez duten arte. EAJk, PSEk eta PPk emango diote babesa Lezertuaren izendapenari.
Bere azken agerraldian, Lamarcak esan du Arartekoak "behargin gutxiegi" dituela gaur egun. Azken lau urteetan ez dutela inor kontratatu eta aurrekontua % 10 murriztu dela salatu du. Epe horretan lana “bikoiztu” egin zaiela gaineratu du, batez ere krisiaren eraginez kexu gehiago jaso dituztelako.
Hala ere, erakundeak bere "eraginkortasun maila" mantentzea lortu duela nabarmendu du, gehien bat langileek egindako lanari esker eta “euren gaitasunen gainean aritu direlako”. Egungo azpiegiturarekin ezinezkoa litzateke, baina, adinekoen zentroetan ikuskaritza gehiago egitea, Lamarcaren esanetan.
Horregatik, “eta krisi gabeko garaiak datozela aprobetxatuz”, Lamarcak langile gehiago eskatu ditu Arartekoarentzat.
Egun, 51 pertsona ari dira lanean Arartekoan. Aurten, 4,58 milioi euroko aurrekontua jaso du erakunde horrek.
Iñigo Lamarca 2004ean izendatu zuten Ararteko. Bost urte igarota, berriz hautatu zuten. 2014ko urrian agintaldia amaitu zuen arren, jardunean aritu da sei hilabetez. Bihartik aurrera Julia Hernandezek hartu du bere tokia, Lezertua Legebiltzarrean izendatzen duten arte.
Ia hamaika urtez karguan izan ondoren, “nahiko pozik” doa, helburuak “nahiko ondo beteta”. Erakundea “maila altuan” utziko duela dio Lamarcak.
Azaldu duenez, 2004ean herritar gutxik ezagutzen zuten Arartekoa, eta erakundea ezagutzera ematea izan da bere helburu nagusia. Hamar urtetan, jasotako kexu kopuruak % 278 egin du gora: 2004ean 2.289 tramitatu zituzten; iaz, 6.378.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.