Uniok Kataluniako Gobernua utzi du eta CiUren etorkizuna kolokan dago
Artur Masen Gobernua utziko dute Unioko hiru kontseilariek, UDCko iturriek aurreratu dutenez. CiU federazioa zatitzeko beste pauso bat dela ematen du.
Horrela, Joana Ortega Generalitateko presidenteordeak, Ramon Espadaler Barne kontseilariak eta Josep Maria Pelegri Nekazaritza kontseilariak Exekutibotik alde egingo dute.
Hala ere, ?legealdiko azken unera arte? Kataluniako Parlamentuaren egonkortasuna bermatuko duela adostu du UDCren zuzendaritzak, konpromisoak bete ahal izateko.
Udal hauteskundeak egin eta gero, udalen ?egonkortasuna? bermatzea ere adostu du Unioren zuzendaritzak.
?Parlamentuko egonkortasuna bermatuko dugu legealdiaren azken unera arte, UDCren erruz ez da bozketarik galduko Parlamentuan eta udaletan?, azaldu du Uniok. Ebazpenak aldeko 18 boto, kontrako 10 eta bi abstentzio izan dituela goraipatu du alderdiko zuzendaritzak.
Bestalde, Gobernuan sartzeko atea zabalik utzi du gaur Sergi Sabria ERCko bozeramaileak: ?Herriaren eta Exekutiboaren esanetara gaude?.
CDCren ultimatuma aztertzeko bilera egin du Unioko zuzendaritzak. Batzarra 14:00ak aldera hasi da eta independentziaren bide orriarekin bat egin ala ez erabaki behar zuten. Convergenciak ERCrekin eta entitate soberanistekin bidaia orria adostu zuen irailaren 27ko hauteskundeei begira.
Unio: "CiU federazioa hausterik ez dugu nahi?
?Gobernutik alde egiteko erabakia koherentea da, baina CiU federazioa hausterik ez dugu nahi?, azpimarratu du Ramon Espadaler UDCko idazkari nagusiak.
Zentzu horretan, erabakiak Diputatuen Kongresuko CiUren taldeari eragingo ez diola ziurtatu du. Horrela, datozen hauteskunde orokorretara arte Josep Antoni Duran Lleidak zuzentzen jarraituko du.
Dagoeneko Artur Masi Unioko zuzendaritzaren ?gehiengoak? hartutako erabakiaren berri eman diotela ziurtatu du Espadalerrek.
Bestalde, irailaren 27ko hauteskundeetara nola aurkeztuko diren galdetu diotenean, ?ikusiko dugu? batekin erantzun du Espadalerrek.
?Gauza bakoitza dagokionean. Ez ditugu erabakiak azkarregi hartuko?, adierazi du UDCko zuzendaritzaren bilera amaitu eta gero.
?Ez gara ikusten, ezta ez ikusten ere?, Artur Masekin eta CDCrekin zerrenda berean, erantsi duenez. Gaurko bilera CDCren ultimatuma aztertzeko zela bakarrik azaldu du Espadalarrek; izan ere, federazioko bazkideek epemuga larunbatean ezarri zuten.
Bestalde, federazioko bi bazkideen ikuspuntu ezberdinak bateratzeko elkarrizketarik ez izatea aurpegiratu dio Josep Antoni Duran Lleida Unioko buruzagiak CDCri. Gainera, UDCko idazkari nagusiari babesa eman dio.
CDCren bilera
Azkenik, CDCren zuzendaritzak premiazko bilera egin du gauean CiUren egoera aztertzeko. Generalitateko presidentea CDCren egoitza zentralean sartu da, Bartzelonako Corcega kalean, eta atean zeuden kazetariei zera azaldu die: ?Gaur ezin dizuet ezer esan?.
Bilera hasi baino lehen, CDCren zuzendaritzaren bilera ?barne eztabaida? bat dela adierazi du Merce Conesa CDCko bozeramaileak. Batzarra goizaldera arte luzatu daitekeela ohartarazi du.
Conesak ziurtatu duenez, Josep Rull alderdiko koordinatzaile nagusiak prentsaurrekoa emango du ostegun honetan, 13:30ean, erabakien berri emateko.
Zure interesekoa izan daiteke
Alderdi guztiek, Voxek izan ezik, martxoaren 3ko biktimak omendu dituzte
EAJk dokumentu ofizialak osorik desklasifikatu ditzaten eskatu du. Arnaldo Otegik salatu du "Estatu-operazio” bat izan zela.
Franky tabernaren aholkulari fiskalak aitortu du Accionari faktura faltsuak egin zizkiola Koldoren alde
Miguel Moreno Purroyk agerraldia egin du astearte honetan Nafarroako Parlamentuan, herri-lanen lizitazioari buruz egiten ari diren ikerketa batzordean. 2016 eta 2018 urteen artean Koldo Garciari laguntzeko jardun zuela adierazi du, eta "oker" aritu zela aitortu arren, ukatu egin du ezein "ustelkeria sareren parte" izatea.
Espainiako Gobernuak gaitzetsi egin du martxoaren 3an, Gasteizen, Poliziak izandako "neurriz kanpoko jokabidea"
Aitor Esteban EAJko EBBren presidenteak akordioaren aurrean "etsita" dagoela adierazi du, eta Espainiako Gobernuari eskatu dio aitor dezala "Estatuak izan zuen papera". Javier Hurtado Arabako PSE-EEren idazkari nagusiak, berriz, babestu egin du Espainiako Gobernuak "memoria demokratikoarekin" duen konpromisoa.
Maider Etxebarria: "Martxoaren 3an zauri bat ireki zen Gasteizen"
Maider Etxebarria Gasteizko alkateak "Polizia Armatu frankistaren neurriz kanpoko jarduna" gaitzetsi du. Franco hil arren, frankismoa bizirik zegoela adierazi du Etxeberriak. "Zoritxarrez, Gasteizen bere aurpegirik gaiztoena erakutsi zuen", gaineratu du.
Gobernuek martxoaren 3a “alfonbrapean” ezkutatu izana salatu du Pradalesek, eta dokumentuak desklasifikatzeko eskatu du
Lehendakariak “egia, justizia, aitortza eta biktimen erreparazioa” eskatu ditu 1976ko martxoaren 3ko sarraskitik 50 urte bete direnean. “Memoria oso eta inklusiboa behar dugu, horrela baino ezingo baita oraindik zabalik den zauria itxi. Biktimekiko Eusko Jaurlaritzaren eta neure konpromisoa erabatekoa da”, azpimarratu du.
Albiste izango dira: Martxoaren 3ko sarraskiak 50 urte, Gatazka Ekialde Hurbilean eta Makina-Erramintaren Azoka
Gaur Orain-en albiste izango direnen laburpena, bi hitzetan.
Honela azaldu zuen "The New York Times" egunkariak martxoaren 3ko sarraskia
Lau hamarkada lehenago Gernikako bonbardaketarekin egin bezala, The New York Times egunkariak mundu zabalean hedatu zuen Gasteizen izandako sarraskia, Henry Ginigerrek idatzitako kronika baten bidez.
Gasteiz aldatu zuen eguna: indarkeriaz eta zapalkuntzaz betetako 12 ordu
Erregimenak modu bortitzean zapaldu zituen langile mugimenduaren protestak, eta errepresio latza utzi zuen. Gasteiz aldatu zuten 12 orduen kronologia, hemen.
“Apaizen eta militarren" hiriak eztanda egin zuen eguna
Hiri eraberritua zen Gasteiz 1976ko martxoan. Hogei urtean biztanleria hirukoiztu egin zuen, eta langile mugimenduak indarra hartu zuen. Erregimena, ordea, aldaketa politiko eta sozialerako bulkada hura zapaltzen saiatu zen.
Modu berezian gogoratuko dituzte gaur martxoaren 3ko biktimak Gasteizen, sarraskiaren 50. urteurrenean
Ekitaldi nagusia 17:00etan egingo da, Zaramaga auzoan dagoen monolitoan, Martxoak 3 elkarteak eta ELA, LAB, ESK eta Steilas sindikatuek antolatuta. Ondoren, 18:30ean, martxa bat egingo dute Katedral Berritik Andre Maria Zuriaren plazaraino. Goizean, berriz, Gogora institutuak deituta, ekitaldi instituzionala egingo da.