Konstituzioaren kontrako jo dute Kataluniako galdeketa alternatiboa
Auzitegi Konstituzionalak Konstituzioaren kontrako jo du Katalunian iazko azaroaren 9an antolatu zuten herri galdeketa, aho batez. Auzitegiaren arabera, Katalunian deitutako ?herritarren parte-hartzea prozesuak? Estatuarenak diren eskumenak urratzen ditu.
Zehazki, ''prozesu'' hori antolatzeko Generalitateak egindako ekitaldiek ''ordenari eta konstituzioari eragiten diote'', auzitegiaren arabera.
Auzitegi Konstituzionalak jada baliogabe utzi zuen otsailean azaroaren 9rako deituta zegoen aurreko kontsulta. Orduko hori erreferenduma zela eta berau deitzeko eskumena Estatuaren dela bakarrik Konstituzioak Estaturi bakarrik dagokiola argudiatuta.
Erreferenduma behin behinean baliorik gabe geratu ostean, Generalitateak ''prozesu parte-hartzailea'' jarri zuen martxan. Artur Mas Generalitateko presidenteak hartu zuen bere gain galdeketaren ardura, eta Estatuaren Abokatutzak horren aurkako helegitea aurkeztu zuen. Orain prozesu hori ere jo dute Konstituzioaren kontrako.
Artur Mas Kataluniako presidentea. Argazkia: EFE
Mas: "A9ko kontsulta ezin dute baliogabe utzi, ezta ezabatu ere"
A9ko kontsulta alternatiboa "baliogabetzerik edo ezabatzerik" ez dagoela adierazi du Artur Mas Kataluniako presidenteak, nahiz eta Auzitegiak Konstituzioaren kontrakoa dela esan. Masen hitzetan, erabaki horrek Kataluniako herriaren asmoak "kale itsu" batera daramatza eta I27ko hauteskundeen "plebiszitu izaera indartzen du".
"Guztia probatu dugu, gehiago ezin daiteke egin. Bide guztiak oztopatu dizkigute", deitoratu du Masek. "Bide posible bakarra hauteskundeak deitu (irailak 27) eta horien plebiszitu izaera sendotzea" dela uste du Generalitateko buruzagiak.
Masen ahotan, erabakitzeko eskubidearen aldeko hiru manifestazio "masiboak historiara pasako dira urrezko hizkiekin", ondorioz, kontsulta "agindu demokratiko" bat izan zen eta "ez Gobernu edo presidente baten gutizia".
Zure interesekoa izan daiteke
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.