Segurtasun Nazionalaren legea onartuta, nazionalisten iritziaren aurka
Kongresuko Konstituzio Batzordeak Segurtasun Nazionalaren lege proiektua onartu du PPren, PSOEren eta UPyDren babesarekin. Nazionalistak, berriz, kontra agertu dira, ERCk eta Amaiurrek uste baitute Kataluniako prozesua gelditzea duela helburu. CiUk eta EAJk, berriz, autonomien Estatua zalantzan jartzen duela uste dute.
Joan Tarda ERCren diputatuak azaldu duenez, Segurtasun Nazionalaren legea, orain Senatura eramango dutena, "Katalunian ireki den eta irailaren 27an burutuko den prozesu demokratikoa gelditzeko baliabide berri bat izango da Gobernuarentzat".
Tardaren arabera, Espainiako Gobernuak "errepresio makinak lubrifikatzeko olioa" jartzen jarraitzen du, eta lege berri honekin "Kataluniako prozesu demokratikoa hipoteka daiteke alarma, salbuespen edo setio egoerak ezarrita", eta "autonomiak bertan behera uztea" ere aurreikusten du.
Zentzu berean, Rafa Larreina Amaiurren diputatuak legearen izaera "zaharkitua" azpimarratu du, eta "XIX. mendekoa" dirudiela esan du. Gainera, "demokraziak Estatuaren segurtasuna sekula ez" duela kolokan jartzen, eta hori egiten duena "ustelkeria" dela gogorarazi du.
Joan Josep Nuet Ezker Anitzaren diputatuak ere bere taldearen errefusa agertu dio legeari, eta Gobernuari "izuaren diskurtsoa" ezartzea egotzi dio, baina "une honetan mehatxu handiena PP" dela, "gehiengo osoaz baliatzen denean bereziki".
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.