Espainiak armagabetzearekiko duen 'inplikazio' falta salatu dute
Eusko Jaurlaritzaren Bake eta Bizikidetza Planaren ebaluazioa egin du giza eskubideetan aditu diren lau laguneko talde batek. ETAren armagabetzearen "blokeoa" zerk eragin duen aztertzean, argi dute adituok. Hein batean, Espainiako Gobernuak prozesuarekiko erakutsi duen "inplikazio' faltak eragin du. Euren ustean, Rajoyren gobernuak ez du armagabetzean "esku hartu nahi izan, epe laburrera etekin politikorik emango ez diola ulertuta". Jarrera hori salatu dute Covadonga Morales Bertrand, Francisco Rey Marcos, Jesus A. Nuñez Villaverde eta Roberto Toscano giza eskubideen aholkulariek.
Armagabetzea ez atzera ez aurrera egotearen erantzukizuna ETArena ere badela uste dute lau aditu hauek. Armak entregatzeko egin dizkioten eskaeren aurrean, "entzungor" aritu dela kritikatu dute.
Bake prozesuaren egungo egoera eta Jaurlaritzak arlo honetan egindako proposamenak aztertu dituzte Moralesek, Reyk, Nuñezek eta Toscanok eta gaur aurkeztu dituzte prentsaurrekoan, Iñigo Urkullu lehendakaria, Jonan Fernandez eta Monika Hernando, Bake eta Bizikidetzaren eta Biktimen eta Giza Eskubideen zuzendariak lagun zituztela.
Bake Planari egindako lehen kanpoko txostena da honakoa. 2015eko apirilean eskatu zion Jaurlaritzak Gatazka eta Ekintza Humanitarioei buruzko Ikerketen Institutuari (IECAH, gazteleraz). Oro har, balorazio positiboa egin dute adituek eta egitasmoa "malgua eta adiskidetzailea" dela iritzi diote. Euren ustez, Urkulluren gobernuak "erantzukizun politikoz" jokatu du. Halere, bake iraunkorra lortzeko oztopo diren "jarrera inmobilistak" aipatu ditu Francisco Rey Marcos institutuko zuzendariak.
"Blokeo egoera"
Txostenaren egileen arabera, Rajoyren gobernuak "ez du prozesuan esku hartu nahi izan, epe ertainera etekin politikorik emango ez diola ulertuta".
ETAren jarrera hizpide hartuta, aditu taldeak uste du ez armagabetze horrek "aparteko galera" suposatzen duela "baldintza politikorik jarri gabe desegiteko eskatzen dion gizartearen gehiengo zabal horrentzat". Ebaluazioa egin duten lau lagunen aburuz, erakunde armatuak ez du "armak uzteko duen borondatearen proba sinesgarri nahikoa eman".
Jaurlaritzak armagabetzearen prozesuan izan duen papera ere aztertu dute adituek. Txostenaren arabera, Urkulluk buru duen gobernuak "ezin izan du prozesua azkartu" ETAk ez diolako 'Armagabetze eraginkorra egiteko Proposamena"ri "erantzun eraginkorrik" eman.
Covadonga Morales Bertrand, Francisco Rey Marcos, Jesus A. Nuñez Villaverde eta Roberto Toscano adituak, Gasteizen. EFE
Alderdiak ere, ez atzera ez aurrera
Bake Plana gauzatzeko "oztopoen" artean alderdi politikoek erakutsi duten jarrera aipatu dute ebaluazioaren egileek. Lau adituon aburuz, "boto-emaileen babesa galtzeko beldur" dira batzuk.
Biktimei dagokionez, adituek uste dute "zenbait elkartek ez dagokien" protagonismoa dutela eta, beraz, "prozesua blokeatzeko" nahikoa indar dutela. Horren aurrean, biktimen rola "errealitatera moldatzeko" deia egin dute, "lekuz kanpo dauden ametsak bazter utzita".
Espetxe politikari dagokionez, sakabanaketa bertan behera uztea, ETAko presoei ezartzen zaien "salbuespenezko" legedia bazter uztea eta presoen birgizarteratzea bultzatzea eskatu dute.
Zure interesekoa izan daiteke
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.