Junts pel Siren garaipen argia I27an, hainbat inkestaren arabera
La Vanguardia, El Mundo, La Razon eta El Diario.es egunkariek irailaren 27an Katalunian egingo diren hauteskunde autonomikoen inguruko inkesta kaleratu dute gaur. Lauren arabera, independentziaren aldeko indarrek gehiengo absolutua lortuko dute, eta Junts pel Si zerrenda bateratuak garaipen argia eskuratuko du. Romeva buru duen hautagaitzak 59 eta 66 ordezkari artean lortuko ditu, baina CUPen babesa beharko du ganberan gehiengo osoa (68) eskuratzeko. Ciutadans bigarren indar izango da, 19-21 ordezkarirekin.
Sigma Dos etxeak El Mundo egunkariarentzat egindako inkestak eman dio Masek sustatutako zerrendari ordezkari gehien: 65-66 eserleku. Gehiengo osotik oso gertu geratuko da, horrenbestez. Dena dela, CUPen bederatzi ordezkariren babesa beharko du nagusitasun hori egonkortzeko.
Ciutadans bigarren indarra izango da, galdeketa horren arabera. Ganberan bederatzi ordezkari izatetik, 19-20 izatera pasatuko da. Catalunya Si que es Pot izango da hirugarren indarra (14 ordezkari), PSC (13-14) eta PPC (12-13) alderdien aurretik. Unio Parlamentutik kanpo geratuko da edo bi ordezkari lortuko ditu.
La Vanguardia egunkariaren arabera, Junts pel Si zerrenda gehiengo osotik gertu geratuko da, botoen % 40,7 eta 63-65 ordezkari lortuta. Ciudadanos alderdiak 21 eserleku eskuratuko ditu. Gainerakoan, horrela osatuko da Ganbera: Catalunya Si que es Pot (15 ordezkari), PSC (12-14), PP (12-13) eta CUP (8).
La Razón eta El Diario.es egunkarien galdeketek antzeko emaitzak aurreikusi dituzte, baina Junts pel Siren garaipena 'apalagoa' (59 eserleku) izango da, horien arabera.
Independentzia
Hauteskunde eguneko emaitzez gain, hitzorduaren osteko prozesuaz galdetu diete herritarrei La Vanguardia-k eta El Mundo-k.
Kataluniako egunkariak zabaldutakoaren arabera, herritarren % 20k bakarrik uste dute prozesu politikoak independentzia ekarriko duela. Galdetutakoen % 42k espero dute Madrilekin akordioa lortzea, eta % 47k ez dute itxaropen handirik horren inguruan.
Balizko elkarrizketa bat bultzatzeko aukeraren alde agertu dira PPren boto-emaileen % 71, eta ICV (% 62), Ciutadans eta PSC (% 55) alderdietako boto-emaile gehienak ere horren aldekoak dira. Ikuspegi ezkorragoa dute independentziaren aldekoek; CiU (% 33), ERC eta CUP (% 28) alderdien boto-emaileak.
Inkestaren arabera, herritarren % 15ek babestuko du alde bakarreko independentzia aldarrikapen bat. % 52,1en arabera, Artur Masek bere proiektuari muzin egin beharko dio, botoen gehiengo osoa lortzen ez badu.
El Mundo egunkariak kaleratutako galdeketak ere horren inguruan galdetu die herritarrei. Horren esanetan, galdetutakoen % 16,8k bakarrik babestuko dute alde bakarreko independentzia aldarrikapena.
Zure interesekoa izan daiteke
Josu Zabala Erasun gogoratu dute Hondarribian, haren heriotzaren 50. urteurrenean
Josu Zabala Erasun 1976an hil zen Guardia Zibilaren tiroen ondorioz, Eduardo Moreno Bergaretxe 'Pertur' ETAko kidearen bahiketaren aurka egindako manifestazio batean.
Ertzain baten aurkako pintaketa bat agertu da Gasteizko bere etxe ondoan
Segurtasun Sailak poliziak seinalatzeak eta mehatxuak gaitzetsi ditu, "iraganeko garaiak gogora ekartzen dituztelako eta eraso egiten dietelako, ez bakarrik aipatutako agenteari eta Ertzaintzari, baita demokraziaren eta bizikidetzaren oinarriei ere". ESAN eta SIPE sindikatuek ere gaitzetsi dute gertatutakoa.
Agirrek "erreparazio publikoa" eskatu du Irurak Bat jauregitxoaren harira, "aurrera egitea" nahikoa ez dela iritzita
Alkatearen arabera, hilabeteotan auzi juridikotik harago joan da eztabaida, salaketa oso larriak egin baitira kaltetu diren pertsonen eta EAJren aurka; horregatik, argi esan du ez dela nahikoa gertatutakoa atzean uztea.
Lehendakariak ziurtatu du ez dagoela inolako kriminalitate antolaturik gaur egun Euskadin
Euskadi Irratiko "Faktoria" saioan egindako elkarrizketan, Imanol Pradales lehendakariak adierazi du azken urteotako hilketak, batez ere, drogek, mendekotasunek edo genero-indarkeriak eragindako harreman pertsonalen narriadurarekin lotuta daudela. Gaur egun Euskadin ez dagoela inolako delinkuentzia antolaturik nabarmendu du.
Isuskitza mendiko gurutze frankista bota du Ernaik
Errekete frankisten omenez Isuskitza mendian (Araba) 1940an jarritako gurutzea bota du Ernaik, baita bideoz grabatu eta sareratu ere. Gazte antolakundearen arabera, “faxismoak ez du lekurik gure herrian”, eta hilaren 13an Donostian egingo duten manifestazioan parte hartzeko deia egin du.
Nora Abetek (PSE-EE) Bilboko alkatetzarako hautagaitza aurkeztu du
Bilboko Udaleko egungo alkateorde eta PSE-EEren bozeramaileak azaldu duenez, bere hautagaitza "hurbiltasunetik, entzute-ahalmenetik eta erabakiak hartzeko gaitasunetik" sortu da.
Gipuzkoako Foru Aldundia datorren astean hasiko da aurrekontuak eta neurri fiskalak negoziatzen
Eider Mendoza Gipuzkoako ahaldun nagusiak iragarri du oposizioko taldeekin elkarrizketa sorta bat hasteko asmoa duela, lurraldeko aurrekontuen eta zenbait neurri fiskalen inguruan negoziatzen hasteko.
Lehendakariak ekonomiari, autogobernuari eta etxebizitzari buruzko akordioak planteatuko ditu alderdi eta gizarte-eragileekin egingo duen bilera-sortan
Topaketak irailaren 8tik 15era egingo dira, elkarrizketa indartzeko eta aliantzak sustatzeko helburuarekin. Nazioarteko ziurgabetasunak eta 2027ko hauteskunde-zikloak markatutako testuinguruan burutuko dira.
Imanol Pradales: "Irailaren 8an hasiko gara alderdi politiko, sindikatu eta patronalarekin biltzen"
Imanol Pradales elkarrizketatu dute Euskadi Irratiko "Faktoria" saioan. Lehendakariak bertan jakinarazi duenez, erronda politikoa irailaren 8an hasiko du, asteartean, eta bilera horietan jorratuko diren gaiak iragarri ditu.
Pradalesen ustez, Sanchezen gobernua "nokeatuta" dago, eta Ceutako krisiari erantzuna eman ezean legealdia amaitu beharko luke
Euskadi Irratiko "Faktoria" saioari eskainitako elkarrizketan, alderdi politiko eta eragile sozioekonomikoekin bilera-sorta irailaren 8an hasiko duela iragarri du lehendakariak.